Fîkrî Tûglûk piştî 29 salên girtî, ji Gîrtîgeha Hejmar 1 a Ewlehiya Bilind a Amedê hat berdan. Fîkrî Tûglûk li bajarê xwe Êlihê, bi awayeke coş hat pêşwazîkirin.
Fîkrî Tûglûk dema di Zanîngeha Mêrsînê de xwendekar bû, sibata sala 1997an de hat binçavkirin, di Dadgeha Ewlehiya Dewletê (DGM) de hat darizandin û piştre cezayê muebetê lê hate birîn. Fîkrî Tûglûk piştî 29 salan girtî ma doh hat berdan û ji hêla malbat, nûnerên saziyên sivîl û partiyên siyasî û gelek welatiyan ve, bi awayeke coş hat pêşwazîkirin.
Fîkrî Tûglûk li cihê hatiye pêşwazîkirin axaftinekek kurt kir û wiha got: “Hatina vê derê, gelê me re hevdîtin hesteke gelek xweş e lê belê ji ber hezaran hevalên me di girtîgehan de ne, em li aliyekê ve jî kêm hîs dikin. Bi qasî ku em kêm bin jî em ê azad nebin. Li gel vê yekê jî hevalên me gelek bi moral in, em li benda wê rojê ne ku ew jî azad bibin. Em ê kêfxweşiya xwe roja ku ew hatin, dê pîroz bikin.
Piştre Fîkrî Tûglûk derbasî avahiyê malbata xwe yê li Taxa Çayê bû û li vê derê bi çepik, tilîlî û diruşma “Bijî berxwedana Zîndanan” hat pêşwazîkirin.
Derbarê Fîkrî Tûglûk de
Fîkrî Tûglûk di Sibata 1997an de dema di Zanîngeha Mêrsînê beşa Muhasebeyê de dixwend hat binçavkirin, di dadgeha DGMê de hat darizandin û cezayê muebetê lê hate birîn. Fîkrî Tûglûk bi dorê li girtîgehên Êlih, Xelata Bedlîsê, Trabzon û Girtîgeha Hejmar 1 a Ewlehiya Bilind a Amedê hat ragirtin û doh hat berdan.
