TJA, di roja 6an a meşa Em bi hêviyê ber bi azadiyê ve dimeşin” de li ber girtîgeha Sîncanê daxuyanî da. Di daxuyaniyê de Azadiya Rêberê Gelê Kurd Abdullah Ocalan û girtiyên siyasî xwestin.
Tevgera Jinên Azad (TJA) bi dirûşma “Em bi hêviyê ber bi azadiyê ve dimeşin” di 1ê Cotmehê de ji Amedê ber bi Enqereyê ve meşek dabû destpêkirin. Meş di roja 6an de gehişt Enqereyê. Jinan li ber Girtîgeha Sîncanê pankarta li ser, “Em bi heviyê her bi azadiyê dimeşîn” dinivisî vêkirin û meşiyan. Jinan di meşe de bênavber dirûşmeya, “Jin Jiyan azadî azad bike Rêbertî”, “Mafê hêviyê nayê astengkirin”, “Azadï azadî azadiya Rêbertî”, “Mîmarê aştiyê li Îmraliyê ye”, “Silav silav hezar silav ji Îmraliyê re”, “Bê Serok jiyan nabe”, “Girtiyên siyasî rûmeta me ne” û “Mafê hêviyê mafê gelan e” berz kirin.
Girseya di nav de aktivîsta TJA Sebahat Tuncel, parlamenterên Partiya Wekhevî û Demokrasiyê ya Gelan (DEM Partî) û rêxistinên Enqereyê yên DEM Partî hebûn bi dirûşmeyan di nava girtîgehê de meşiyan. Girseyê li ber girtîgehê ji aliyê girseya li benda wan ve bûn hatin pêşwazîkirin. Girseyê li vir jî dirûşmeyên, “Bê Serok jiyan nabe” û “Girtiyên siyasî rûmeta me ne” ve derbasî cihê daxuyaniyê bûn.
‘Rêzdar Ocalan û hemû girtiyên siyasî ben berdan’
Li pêşberî deriyê Girtîgeha Sîncanê daxuyanî hat dayîn. Di destpêke de aktivîsta TJA Zeynep Sîbcîk axivî û anî ziman ku Rêberê Gelê Kurd Abdullah Ocalan 26 sal in dilgirtiyê û wiha got: “Birêz Ocalan di nava 4 diwaran de tovên aştiyê kom kir û ji me jinan re şand û got ez van tovan ji wê re dişînin da ku hûn belav bikin. Niha me ew tov bi xwe re aniyê. Em li her bajarê derbas bûn ew tov reşand. Me ew tov anîn Enqereyê ku wan tovan kesên şer dixwazin di dile wan de biçînin ku dilê wan nerm bibe. Şertê vê pêvajoye jî ew ê ku di serî de Rêzdar Ocalan û girtiyên siyasî ben berdan. Bi vî awayî baweriya gelê me jî ji vê pêvajoyê bawer bikin. Em li vir silaveke germ li girtiyan re dişînin û dibêjin careke din em ê werin li vir û wê li vir derxînin.”
‘Desthilat li gor pêvajoyê tevnegere’
Piştre jî Hevseroka Giştî ya OHDê Ekîn Yeter Moray axivî, diyar kir ku 6 rojin ew ji bo Azadiya gelê Kurd û wekheviya gelan meşiyan û ev tişt gotin: “Me ji bo hemû gelên tune tên hesibandin meşiyan. Mafê hêviyê mafekî gerdûnî ye. Lê tevî biryarên Dadgeha Mafê Mirovan a Ewropayê jî ew maf pêk nehatiyê. Biryara DMMEyê 11 sal in pêknayê. Heta meha hezîranê dem dan Tirkiyeyê. Her wiha berpirsyarî da komîsyonê. Lê tevî ew qas gav hatine avetin jî hê komîsyonê di vê mijarê de gav neavetiye. Em jî vê daxwazê tînin ziman. Divê mafê hêviyê pêk were. Lê helbet ne tenê di mafê hêviyê de di înkara gelê Kurd de jî polîtîkayên xwe didomînin. 24 jin li vê girtîgehê tevî cezayê xwe qedandine jî bi biryarên Lîjneya Rêveberiya Çavderiyê berdana wan tên taloqkirin. Di hiqûqê de cihê vê yekê tune ye. Di pêvajoyê de binpêkirinên girtiyên siyasî ên jin nayê qebûlkirin. Hê jî binpêkirina mafan berdewam dike. Hê jî desthilat ne li gor pêvajoya aştî û hiqûqa navneteweyî ye. Em jî ji bo wê dimeşin. Daxwazên me daxwazên rewa ne. Di şexsê Rêzdar Ocalan de bi berdana girtiyên siyasî ve em ê Aştî û Civaka Demokratîk ava bikin.”
Piştî daxuyaniyê parêzer derbasî girtîgehê bûn bi jinên girtî re hevdîtin kirin. Di hevdîtinê de silavên meşvanan gihandin wan. Girseyê jî li ber girtîgehê govenda azadiyê gerandin.
