Serokê Giştî yê MHPê Devlet Bahçelî ku di komcivîna partiya xwe de axivî derheqê pêvajoya Aştî û Civaka Demokratîk de tiştek negot. Balkêş e ku ev çend hefte ne Devlet Bahçelî li ser pêvajoyê tiştek nabêje.
Serokê Giştî yê MHPê Devlet Bahçelî di komcivîna partiya xwe de li Meclisê axivî. Bahçeliyê ku gelek geşedanên di rojevê de nirxand, lê belê derheqê pêvajoyê de tiştek negot. Devlet Bahçelî derbarê Lûtkeya NATOyê û xirabûna agirbesta di navbera Amerîka û Îranê de axivî û bertek nîşanî êrişên Amerîkayê yên li dijî Îranê da û xwest Amerîka li gor lihevkirinê tevbigere û êrişan bi dawî bike.
Devlet Bahçelî di komcivîna vê hefteyê de jî derheqê pêvajoyê de tiştek negot. Balkeş e ku ev çend hefte ne Devlet Bahçelî li ser pêvajoyê tiştek nabêje û ji aliyê MHPê ve jî bêdengiyek heye.
Devlet Bahelî di cotmeha 2024an de gazî Rêberê Gelê Kurd Abdullah Ocalan kiribû û di 27ê Sibata 2025an de li ser banga Abdullah Ocalan pêvajoya Aştî û Civaka Demokratîk hatibû destpêkirin.
