Enqere – Hevserokê Komeleya Şopandin û Lêkolînê ya Koçberiyê ya Mezopotamyayê Murat Sari di civîna 11an a komîsyonê de axivî û bi lêv kir ku divê şert û mercên vegera gundan be amade kirin.
Komîsyona Demokrasî Xwişk û Biratî û Hevgirtina Mîllî ku di çarçoveya pêvajoya Aştî û Civaka Demokratîk de li meclisê hatibû avakirin civîna xwe ya 11an li darxist. Di rûniştina yekem a civînê de Federasyona Eşîrên Qedîm, Konfedarasyona Cerdevanan û Malbatên Şehîdan a Anatoliyayê, Federasyona Karmendên Herêmê, Komeleya Karmendên Jin ên Herêmê hatin guhdarkirin. Di rûniştina 2an a civînê de jî Komeleya Şopandin û Lêkolînê ya Koçberiyê, Federasyona Lêkolîna Îslamî ya Mezopotamyayê, Weqfa Alimên Medreseyê, İTTİHAD hatin guhdarkirin.
Ewilî Hevserokê Komeleya Şopandin û Lêkolînê ya Koçberiyê ya Mezopotamyayê Murat Sari axivî û anî ziman ku di salên 90an de gelek gund hatinê şewitandin û wiha got: “Bi milyonan kes koçber bûnê û neçar mane cih û warên xwe terk bikin. Li gor daneyan 3 hezar û 700 gund hatine valakirin. Divê şert û mercên vegera gundan bê amadekirin. Astengiyên weke li wan gundên hatiyê vala kirin, mayin hatine danîn, kalekolên lêşkerî hatine avakirin divê ben rakirin. Divê sererastkirineke qanûnî pêk were. Komîsyona Edalet û Heqîqete bê avakirin û yên koçber bûnê bên guhdarkirin û zerara wan bê dabînkirin. Her wiha gund careke din bên avakirin.” Murat Sari piştî axaftinê rapora ku amade kiribû pêşkeşî meclise kir.
‘Divê qanûn li gor hiqûqa biratiyê ben amadekirin’
Piştrê jî ji Federasyona Lêkolîna Îslamî ya Mezopotamyayê Abdullah Sagir axivî. Abdullah Sagir destnîşankir ku li Tirkiyeyê gelek netew û baweriyên cuda hene û wiha got: “Pirsgirêka bikaranîna zimanê dayikê û bi cih anîna wecîbeyên olî tê zanîn. Yek jî armanca komîsyonê biratiya netew û baweriyên cûda ye. Biratî wekhevî û edaletê pêkan e. Dema mafê hemû kesan pêkhat alozî û pirsgirêk jî ji holê radibin. Dema zimanê neteweyekî qedexe bike wî neteweyî ji hemû sewalan biçûktir dixînê û li dijî biratiyeyê. Kur’an jî vê yekê dibêje. Ji ber wê yekê divê mafê perwerdehiya fermî ya zimanê Kurdî pêk were û xutbe bi zimanê Kurdî jî li mizgeftan bê dayin. Divê qanûn li gor hiqûqa biratiyê li ser hevdû qebûl kirin û rêzgirina mafan bên amadekirin.”
Piştî guhdarkirinê civînên vî heftî bi dawî bûn. Hefteya be jî civînên komîsyonê wê bi guhdarkirinê berdewam bikin.
