Çeteyên HTŞê li gundekî Reqayê êrişî şervanên HSDê kir. Li herêmê şer qewimî û didomin.
Navenda Ragihandinê ya Hêzên Sûriya Demokratîk (HSD) bi daxuyaniyekê ragihand ku çeteyên HTŞê li herêma Dibsî Efan a Reqayê li dijî şervanên wan êriş pêk aniye û di encamê de şervanên wan jiyana xwe ji dest dane û birîndar bûn e.
Daxuyaniya HSDê bi vî rengî ye:
“Piştî êrişa xayin a komên hikumeta demkî yên li ser nuqteyên me, li herêma Dibsî Efan a rojavayê Reqayê pevçûn derketin. Ev êriş binpêkirineke aşkera ya lihevkirinan e ku bi sponseriya hêzên navneteweyî çêbû.
Li gorî lihevkirinê, divê agirbest çêbibe û di nava 48 saetan de hêzên me ji bajarên Dêr Hafir û Meskeneyê vekişin. Lê beriya ku vekişîna hêzên me temam bibe, hikumeta Şamê konvoyên leşkerî, çekên giran û tank derbasî bajaran kirin û êrişî şervanên me kirin. Di encamê de hejmarek şervanên me şehîd bûn.
Em diyar dikin aliyên ku lihevkirin binpê kirine û xayintî li hêzên me kirine berpirsên vê rageşiyê ne. Her wiha em hêzên navneteweyî yên sponser wekî berpirsên vê rûdanê dibînin. Em bang li wan dikin ku destwerdanê bikin, binpêkirinan rawestînin û rê nedin ku rewş aloztir bibe.”
