Piştî êrîşa li Sûriyeyê bû sedema mirina du leşkerên Amerîkî û sivîlekî, çapemeniya Amerîkayê balkişand ser hevkariya bi Hikûmeta Demkî ya Sûriyeyê re û destnîşan kir ku HSD hêza herî girîng a li Sûriyê ye û divê di aliyê entegrasyona van hêzan de ecele neyê kirin.
Di 13ê mehê de li bajarê Palmirayê ku dikeve hundirê çolên Sûriyeyê di dema dewriyeya hevpar a Hêzên Dewletên Yekbûyê yên Amerîkayê (DYA) û Hikûmeta Demkî ya Sûriyeyê de êrîşek pêk hatibû. Di encama êrîşa li hemberî hêzên leşkerî yên Amerîkayê de du leşkeran û sivîlkî ku ji bo wergerê li gel wan jiyana xwe ji dest dabûn û 5 leşker jî birîndar bibûn. Hevkariya Amerîkayê û Hikûmeta Golanî bû sedema rexneyan
Di encama lêkolînê de derkete holê ku kesê êrîş kirî, endamekî rêxistina HTŞ û wezîfedarekî leşkerî yê Hikûmeta Demkî ya Sûriyeyê ye. Li ser vê rewşê rexneyên li dijî hevkariya Amerîkayê ya bi hêzên tundrew re zêde bûn. Çapemeniya Amerîkayê jî balkişand ser hevkariya bi hêzên tundrew re û rexne li polîtîkayên rêveberiya Trump kirin.
Forbes: Êrîşê talûkeya entegrasyoneke bi ecele danî holê
Têkildarî êrîşa pêk hatî û encmaên wê ku di pêşerojê de derkevin holê, Kovara Forbesê nûçeyek weşand. Di nûçeyê de hate daxuyandin ku DYAyê nû dest bi dewriyeyên hevpar kiriye û di demeke kin de êrîşeke wiha pêk hatiye. Di nûçeyê de hevkariya DYAyê ya bi HSDê re hate bi bîr xistin û ev tişt hatin gotin: “Demek dirêj e Kurd li dijî DAÎŞê mitefîkiya DYAyê dikin û heta niha êrîşeke wiha pêk nehat. Vê êrîşê nîşan da ku divê entgrekirina HSDê ya bi artêşa nû re neyê ecelekirin û talûkeya entegrasyoneke bi ecele danî holê.”
NYT: Pêwistiya DYAyê bi HSDê heye
Rojnameya NewYork Times jî nûçeyeke berfireh di derbarê bûyerê de weşand. Di nûçeyê de hate diyarkirin ku Şara hewil dide ku yekîtiya Sûriyeyê ava bike û bi gelek zehmetiyan re rû bi rû ye. Di nûçeyê de reşwa hêzên Kurd jî hate bi bîr xistin û wiha hate gotin: “Vê bûyerê karê Şara zehmetir kir. Pêwistiya Amerîkayê bi tunekirina DAÎŞê heye. Ev tê wateya ku bi HSDê re hevkariyê dane.” Di nûçeyê de hate desnîşankirin ku bi boneya entegrasyonê di navbera HSD û Hikûmeta Demî de rageşî hene û vê rewşê pêvajoya entegrasyonê anî rewşek zêdetir tevlihev.
