Riha – Girtî Serhat Bûlûtê ku ji berdana wî re 4 meh mabûn, ji Girtîgeha Rihayê sewqî Girtîgeha Xarpêtê hat kirin.
Serhat Bûlûtê ku ji sala 2018an ve di Girtîgeha Tîpa T a Hejmar 2yan a Rihayê de bû, sewqî Girtîgeha Xarpêtê hat kirin. Bûlûtê ku di sala 2019an de bi îdiaya “endamtiya rêxistinê” 7 sal û 8 meh ceza lê hat birin, ji ber ku bertek nîşanî guherandina qawişê dabû, cezayê dîsîplînê lê hatibû birîn û ji ber vê infaza wî hatibû şewitandin. Bi vê biryarê berdana Bûlûtê ku diviyabû di Kanûna 2023yan de bihata berdan, taloqî 21ê Mijdara 2025an hat kirin.
Dayika wî Ayten Bûlût ku bertek nîşanî sirgûna kurê xwe da got: “Dibêjin pêvajoyek heye, lê sirgûn didomin. Înfaz tên şewitandin. Li holê tu niyeteke baş tune ye. Hevdîtin didomin, lê ev tişt diqewimin. Ev malbatan hêrs dike.”
