Hejmara 29emîn a Rojnameya Azadiya Welat bi manşeta “Li Îmraliyê çi niqaş kirin?” derket pêşberî xwînerên xwe.
Rojnameya Azadiya Welat vê hefteyê bal kişand ser naveroka hevdîtina ku di 20ê Tîrmehê de li Îmraliyê pêk hat, derxist pêş. Rojnameyê gotara Nivîskar H. Halît Alataçi ya bi sernavê “Li Îmraliyê çi niqaş kirin?’ ku der barê naveroka hevdîtinê de agahiyên girîng ên ji çavkaniyan girtiye derxist manşetê. Nivîskar Halît Alaçati di gotara xwe de destnîşan dike ku ev hevdîtin dê deriyekî nû li siberoja Tirkiyeyê veke û ev dê bihêle ku pêvajo derbasî merhaleyeke din bibe. Nivîskar di gotara xwe de balê dikişîne ser hûrguliyên girîng ên naveroka hevdîtinê.
Rojnameyê dîsa hevpeyvîna ku bi Edîtorê Rojnameya Yenî Yaşamê Mehmet Alî Çelebî re kiriye di rûpela manşetê de derxist pêş. Rojnameger û Edîtorê Yenî Yaşamê Mehmet Alî Çelebî destnîşan dike ku Kurdistan wekî di çembera agir de be û dibêje “Armanc korîdora bê Kurd e.”
Rojnameyê, di rûpela manşetê de; gotara nivîskar Cemîle Turhalli ya bi sernavê “Entegrasyona demokratîk”, gotara nivîskar Rifat Ronî ya bi sernavê “Aştî bi gavên wêrek pêkan e”, gotara nivîskar Sorgul Şêxo ya bi sernavê “Têkiliya zewacê ya li paş deriyan”, gotara nivîskar Mulkiye Birtane ya bi sernavê “Tundiya li dijî zarokan”, gotara nivîskar Prof. Dr. Abdulîllah Polat a bi sernavê “Komunalîte dermanê derûnî û rêya aştiyê ye û gotara nivîskar Nalîn Aslan a bi sernavê “Huner ji bo hunerê yan ji bo medyaya dijîtal” derxist pêş.
