Rojnameya Azadiya Welat di hejmara 37an de bi manşeta Kirmanckî “Mifte Azadîya Rayberî ya” derxist pêş. Ji bo pêşketina pêvajoya aştiyê bal kişand ser girîngiya azadiya fizîkî ya Rêberê Gelê Kurd Abdullah Ocalan.
Rojnameya Azadiya Welat vê hefteyê hevpeyvîna ku rojnameyê bi parêzer Bunyamîn Şeker re bi zaravayê Kirmanckî kiribû derxist manşetê. Parêzer Bunyamîn Şeker balê dikişîne ser girîngiya hevdîtinên rû bi rû û azadiya fizîkî ya Rêberê Gelê Kurd Abdullah Ocalan. Bunyamin Şeker destnîşan dike ku ji bo Aştî û Civaka Demokratîk pêş bikeve, pêwiste Rêberê Gelê Kurd bi awayekî fîzîkî azad bibe û hemû nûnerên civakê hevdîtinê bikin.
Rojnameyê dîsa di rûpela manşetê de cih da gotara nivîskar Rifat Ronî ya li ser girîngiya ziman, gotara Mulkiye Bîrtane ya li ser 1001 îmzekaran, gotara Heqî Boltan a geşedanên li Îranê, gotara Gelawêj Ewrîn a li ser peyama Rêberê Gelê Kurd Abdullah Ocalan a ji bo PJAKê, gotara Felemez Ulug a li ser Erka Gavên Pratîk, gotara Sîyamed Sîpan a li ser geşedanê li Kobanê, gotara Nalîn Aslan a li ser bîranînên şehîdan, gotara Elîxan Loran a li ser bîranînan.
