Amadekarî ji bo qonaxeke nû ya pevguhertina dîlgirtiyan di navbera HSD û hikûmeta demkî ya Sûriyeyê de dest pê kir.
Ji bo koma çaremîn a pevguhertina dîlgirtiyan di navbera Hêzên Sûriya Demokratîk (HSD) û hikûmeta demkî ya Sûriyeyê de amadekariyan dest pê kir.
Li gorî nûçeya ANHAyê di koma çaremîn de nêzî 200 kes hene. Hat ragihandin ku dê qonaxa çaremîn a pevguhertina dîlgirtiyan di navbera HSD û hikûmeta demkî ya Sûriyeyê de, hefteya bê were pêkanîn.
Qonaxa yekem a serbestberdana dîlgirtiyan di 10ê adara 2026an de pêk hat ku 100 kesên ku ji aliyê hikumeta demkîya Sûriyeyê ve dihatin girtin li beramber 100 kesên ku ji aliyê HSDê ve dihatin girtin, hatin berdan.
Qonaxa duyem ku di 19ê adara 2026an de hate pêkanîn, 300 kesên ku ji aliyê hikûmeta demkî ya Sûriyeyê ve dihatin girtin li beramber 300 kesên ku ji aliyê HSDê ve dihatin girtin, serbest hatin berdan.
Di qonaxa sêyem de jî ku di 11ê nîsana 2026an de pêk hat, 400 kesên din ên ku ji aliyê hikûmeta demkî ve dihatin girtin li beramber 91 kesên ku ji aliyê HSDê ve dihatin girtin, hatin berdan.
