Li gorî daneyên Ajansa Rêveberiya Afad û Şewatê ya Japonyayê ji ber barîna berfê ya ji 20ê Çileyê heya niha 46 welatiyan jiyana xwe ji dest dane û 558 kes jî birîndar bûne.
Li seranserê peravên Behra Japonyayê barîna berfê bênavber dibare. Ji ber berfa zêde dibare gelek herêm di nava berfê de man. Li eyaleta Aomori ya li bakurê giravê 1,3 metreyan berf bariye. Rayedaran dan zanîn welatî ji ber ber berfa ketiye ser wan û ketinên dema paqijkirinê jiyana xwe ji dest dane.
Xeteriya mezin berfa ji ban dikeve ye
Di dawiya meha Çileyê de li Aomoriyê cenazeyê jineke 91 salî li pêşiya mala wê di bin sê metre berfê de hatibû dîtin. Li gorî polîsan jina berbehs ji ber berfa ji banê xaniyê hatiye ser wê jiyana xwe ji dest daye.
Leşker jî tev li seferberiya lêgerîn û rizgarkirinê bûn
Hikûmetê di destpêka meha Sibatê de leşker şandin Aomoriyê û piştevanî da xebatên lêgerîn-rizgarkirin û paqijkirinê. Hate ragihandin ku li hin herêmên îzole nêzîkî 4,5 metreyan berf bariye.
