Bi biryara dadgehê hêzên ewlekariyê ofîsên Kanala NRTê yên li Hewlêr û Dihokê hatin rawestandin. Her wiha hemû amûrên televîzyonê jî hatin desteserkirin.
Li gorî agahiyan bi biryara dadgehê hêzên asayîşê bi ser ofîsên Kanala NRT yên Hewlêr û Dihokê de girtin. Hate zanîn ku ofîs hatine girtin û karên kanalê hatine rawestandin. Rêveberiya ofîsa NRTê ya Hewlêrê ji Ajansa Rojnewsê re ragihand ku ofîsa li Hewlêrê niha girtî ye û hêzên polîs li wir mane. Yaredarên televîzyonê gotin ku amûrên rojnamevaniyê jî hatine desteserkirin.
Hate zanîn ku biryara girtina kanala NRTê li seranserê Herêma Kurdistanê ji aliyê dadgeha Hewlêrê ve hatiye dayîn. Têkildarî sedema biryara girtinê de agahî nehatin bi destxistin.
