Parlementoya Hollandayê bi pêşnûmayek êrişên li ser Rojav şermezar dike û alîkariya Yekîtiya Ewropayê ji bo Sûriyê bi şertê rawestandina bênpêkirina mafên mirovan ve girê dide, qebûl kir.
Parlementoya Hollandayê derbarê êrişên HTŞê yên li ser Rêveberiya Xweser a Bakur Rojhilatê Sûriyê pêşnûmayek qebûl kir. Di encama dengdanê de pêşnûma li dijî 3 dengan bi 146 dengan hate qebûlkiriin. Di d”anişîna parlementoyê êrişên HTŞê hatin nîqaşkirin û di encama nîqaşan de ev pêşnûma hate amadekirin:
“Li Helebê zêdeyî sed hezar Kurd bi boneya topbaran û êrişan koçber bû. Li Kobanê jî ji ber dorpêçê ev hefteyek e av, ceryan û internet nîne. Endamên DAİŞê bi awayek komî ji girtîgehan direvin. Xuya dike ku Hikûmeta Demkî ya Sûriyê hemû pîvanên ji bo piştgirî û têkiliyên bi Yekîtiya Ewropayê re pêwist binpê dike. Meclisê ji bo alîkariyên YEyê şertê parastina kêmaran danî bû.
Li gorî rewşa li jor hatiye diyarkirin Meclisa Hollandayê ji Hikûmeta Hollandayê dixwaze ku YE zextê li ser Hikûmeta Demkî ya Sûriyê bike û gelek zelal ji wan re bêje ku heta dest ji binpêkirinan bernede, dê tu alîkariyên YEyê bi cih neyên. Her wiha divê alîkariyên hatine dayîn jî bi armanca zextên li ser kêmar û cudahiyan neyê bikaranîn.”
