Polîsan li Wanê piştî ku meş û daxuyaniya ji bo Rojava bi dawî bû êrişî ciwanan û rojnamegeran kir û 2 ciwan binçav kirin.
Di pêşengiya Platforma Saziyên Demokratîk a Wanê de bi hezaran kes ji bo balê bikşîne ser êrişên çeteyên HTŞê û DAIŞê ku piştgiriya xwe ji Tirkiyeyê digirin, ji ber Wan AVMê heta Parka Aştiyê ya Mûsa Anter meşiyan. Piştî ku çalakî qediya û gel belav bû, ciwanên Wanê bi dirûşmên “Bijî berxwedana Rojava”, “Yek e yek e yek e gelê Kurd yek e” li kolanan belav bûn û meşiyan. Polîsan xwe li meş û dirûşmên ciwanan negirt û bi guleyên plastîk êrişî ciwanan kir.
Di êrişê de 2 ciwan hatin binçavkirin û ew birin Midûriyeta Polîsan a Wanê. Navê binçavkiriyan nehat zanîn.
Rojnamager Kadîr Cesûr ê ku çalakî dişopand jî bû hedefa polîsan. Polîsan guleya plastîk berda gewriya Kadîr Cesûr û ew ji ser hişê xwe çû û ket erdê. Piştî demek kurt Kadîr Cesûr bi ser xwe ve hat.
7 ciwan hatin binçavkirin
Polîsan piştî çalakiyê êrişî ciwanan kirin û 7 ciwan binçav kirin.
