Sevgî Talay ku li navçeya Wêranşar hat binçavkirin û ji duh ve di bin çavan de ye. Pitika wê ya 3 mehî ji bo şîr li ber emniyetê li benda dayika xwe ye.
Sevgî Talay li navçeya Wêranşar a Rihayê dema çalakiya li dijî êrişên çeteyên HTŞ, SMO û DAIŞê yên ji hêla Tirkiyeyê ve tên piştgirîkirin li ser Rojava bi 8 kesan re hat binçavkirin. Sevgî Talay a ku ji duh ve li TEM a Rihayê di bin çavan de ye pitika wê ya 3 mehî ji bo şîr li ber emniyetê ye. Sevgî Talay û 8 kesên di bin çavan de ne dema wan a binçavkirinê rojek hat dirêjkirin. Hewldanên Komeleya Hiqûqnasên Ji bo Azadiyê (OHD) ji bo berdana wan bê encam ma. Hevseroka OHD a Şaxa Rihayê Gul Fehîme Binîcî bertek nîşanî binçavkirinê da û xwest kesên hatine binçavkirin bên berdan.
