Şirnex – Şandeya ku malbatên rojnmeger Cîhan Bîlgîn û Nazim Daştan jî di navde ne, ji 6ê çile ve li deriyê sînorê Xabûrê bi awayekî keyfî tênd sekinandin.
Şandeya ku ji Parlamenterê DEM Partiyê yê Mêrdînê Kamûran Tanhan, bavê rojnamevan Nazim Daştan, bavê rojnamevan Cîhan Bîlgîn, endamên OHD, MEBYA-DERê û DFG pêk tê ji bo cenazeyê rojnamevan Nazim Daştan û Cîhan Bîlgîn werbigirin ji saet 16.00ê 6ê Çile de li Deriyê Sînor ê Xêbûrê (Xelîl Îbrahîm) tên rawestandin. Şande 2 roj in bi hincetên cûda cûda li deriyê Xabûrê tên sekinandin.
Bi sekinandina şandeyê re gelek wesayit jî li deriyê sînor rêz bûnê. Welatiyên ku li ser sînor hatinê sekinandin bertek nişanî rewşe dan.
Bi sekinandina şandeyê re li ser sînorê Xaburê gelek wesayit li ber sînor rêz bûnê. Welatiyên ku hinek ji wan ji bo bazirganiyê û hinek wan jî ji bo mala wan li wir ê dixwazin derbasî başurê Kurdistanê bibin bi hinceta sîstem tune ye tên asteng kirin. Welatiyên ku em li ser sînor bi wan re axivîn bertek nîşanî rewşê dan û xwestin deriyên sînor bê vekirin.
2 rojin em li benda çûyinê ne
Welatiyê bi navê Egît Yilmaz bi lêv kir ku ji duh vê nahelin ew derbasî sînor bibin û wiha got: “Di destpêkê de gotin pirsgirêk di sîstêmê heye. Lê ajokaran gotin ji ber rojnamegerên ku cenazeyên wan li Rojavayê nahelên milet derbas bibe. Ew du rojin em rêwiyên xwe tînin. Lê ji ber ku destûr nadin em nikarin derbas bibin. Ew 2 roj in em maxdûr dibin. Divê ew maxduriyeta ewqas milet bên çareser kirin. Sedema vê çi ye em jî nizanin. Şevê din gotin sîstem tune ye. Lê ji wî alî wesayit derbas dibin. Me jî ew rewş fehm nêkir. Şeva din em 6 seatan li ser sînor rawestiyan û em vegeriyan. Îro jî ev 4 seatin em li vir dane sekinandin. Sedem çi ye em nizanin. Divê ev sîstem bê çareser kirin û em maxdur nebin.”
‘Divê ew pirsgirêk bê çareser kirin’
Welatiyê ji Zaxoyê Hesen Mihemed jî anî ziman ku bi hinceta sîstem nîne ew nikare vegere û biçe mala xwe û ev tişt got: “Ji me re gotin sîstem nîne ji sibê vê em di rêzê de ne. Berê ev pirsgirêk tune bû. Car caran asteng dikirin lê astengiyeke wisa demdirêj tunebû. Em hatine şînê. Lê em nikarinê vêgerin mala xwe. Divê ew pirsgirêk bê çareserkirin û em bikarin derbasî sînor bibin.”
‘Ev 3 rojin em li vir maxdurin’
Welatî Huseyîn Karayil ku ji Nisêbînê hatiye jî anî ziman ku 3 rojin li benda çûyinê ye û got: “Kes ji me re tiştekî nabêjin. Em ê biçin Zaxo lê bi hinceta sîstem tune ye me bernadin. Ew 3 rojin em li vir maxdurin. Divê ew pirsgirêk bê çareserkirin. Debara me li ser çûyin û hatinê ye. Bila vê pirsgirêkê ji me re dernexin.”
Welatiyê bi navê Îsmaîl Şakir ku ji Hewlêrê ye û ji ber astengiyê nikarê vegere mala xwe jî wiha axivî: “Em jî sibê ve hatine vir û nikarin derbas bibin. Cara yekemin ez têm vir. Em nizanin ji ber çi nahêlin em derbas bibin. Bila vê pirsgirêkê çareser bikin. Gelek kes diçe û tê. Ew qas kes maxdûr dibin. Divê ev maxduriyeta mirovan bê çareserkirin. Zarokê min jî bi min re ne. Ji sibê de em di hundirê erebeyê de ne.”
