YPJê tekildarî êrişên çeteyên HTŞ û SMOyê li dijî Reqa û Tebqayê daxuyanî da û diyar kir ku bersiva hemû êrişan hatiye dayin û gelek kuştî û birîndarên çeteyan hene.
Yekiniyên parastina Jin (YPJ) tekildarî êrişên çeteyên HTŞ û SMOyê li dijî Reqa û Tebqayê daxuyanî da. Daxuyaniya YPJê wiha ye: “Peymana ku di navbeynkariya hêzên navneteweyî, di navbera hêzên HSDê û hikûmeta demkî ya Şamê de hatiye îmzekirin. Bi saetên siharê re hîn me hêzên xwe yên YPJê û HSDê bi temamî ji heremên Dêr Hafir û Meskenp paşve nekişandî, hate binpêkirin. Hikûmeta Şamê xwestin bi rêya çeteyên dewleta Tirk re Tebqa û Reqa jî dagir bikin û berê xwe bidin herêma Cizîrê. Heya niha hêzên me hemû êrîşên wan di çarçoveya mafê rewa de bersivandine û êrîşên wan hatine têkbirin. Heya niha gelek kuştî û birîndarên wan hene.”
Ger çeteyên hikûmeta Şamê van êrîşan nedin sekinandin û berdewam bikin, wek hêzên YPJê ji bo hemû destkeftiyên şoreşa mirovahiyê biparêzin, bi taktik û performansa nûjen re bersiva wan bidin. Hemû hêzên me bi biryardariyekî mezin ji bo hemû awayî êrîşan bidin sekinandin cihê xwe di hemû çeperan de girtine û ger pêwîst bike pêşde biçin jî amade ne.”
