Senatorê Partiya Komarparêz Michael McCaul diyar kir ku divê hikûmeta Sûriyê dawî li êrîşên hovane yên li dijî komên etnik û olî bîne.
McCaul di parvekirina li ser hesaba xwe ya fermî weşandî de êrişên hikûmeta Sûriyê wekî ‘hovîtî’ bi nav kir û wiha got: “Li Sûriyê di serî de li li dijî Xiristiyyan, Durzî, Kurdan û hemû kêmarîn nijadî û olî hovîtiyên bêsînor tên kirin. Ez bang li hikûmeta Sûriyê dikim ku demildest dawî li şidetê bîne.”
‘Rakirina pênankîrînên Caesar xelet fam nekin’
Di parvekirinê de McCaul balkişand ser wateya rakirina pêdankirinên Caesar û wiha domand: “Ev pêdankirin ji bo kes denge xwe li dijî şideta hikûmetê dernexe, nehatin rakirin. Ji bo hemû Sûriyeyî di pêşerojek aştiyane de bijîn hatin rakirin. Divê sedema rakirina pêdankirinan xelet neyê famkirin.”
Êrişên li dijî HSDê jî fikaran zêde dikin
McCaul êrişên li dijî HSDê jî bi bîrxistin û wiha pêde çû: “Ez dixwazim bînin bîra hikûmeta Sûriyê ku pêdankirinên Caesar bi şertê pêkanîna 10ê Adarê û parastina kêmarên nijadî û olî hatin rakirin. Divê hikûmet istikrara herêmê ava bike, rageşiyê daxe û civakên bêparastin biparêze. Kongre û DYA mijarê nêz ve dişopîne.”
