HSDê daxuyand ku desthilata hikûmeta demkî îdia dikin ku balafirên bêmirov ên Îranî li gel HSDê hene û di nav hêzên wê de şervanên biyanî hene, lê ev îdia bêbingeh in.
Navenda Ragihandina Hêzên Sûriya Demokratîk (HSD) daxuyand ku desthilatên Şamê bi awayekî sîstematîk îdia û derewên xwe dewam dikin.
Di daxuyaniya HSDê de ev agahî hatin dayîn: “Desthilata Şamê bi awayekî berdewam derewên sîstematîk li ser hêzên me, ku dronên Îranî li cem HSDê hene yan jî şervanên biyanî di nav refên wan de hene, belav dikin. Ev îdia beşek ji kampanyayeke dezenformasyonê ya bizanebûn a bi niyeta xerab in. Armanca wan HSDê reş bikin û rola wê têk bibin û hewldaneke bêhêvî ya xerabkirina têkiliyên me bi hevkar û aliyên navneteweyî re ye.
Hêzên Sûriya Demokratîk hêzên neteweyî ne, şervanên wê ji xort û keçên gelê Sûriyeyê bi tevahî pêkhateyên wê ye. Di heman demê de rastî îsbat dikin ku bi hezaran çekdarên biyanî ji gelek neteweyan di nav de Ozbekî, Çeçenî, di nava komên desthilatên Şamê de hene.”
