Wezîrê Karên ji derve yê Holandayê bi boneya şideta li ser gel tê meşandin Sefîrê Îranê yê Hollandayê gazî kir û xwest ku rejîm dawî li şidetê bîne. Wezîrê Karên Derve yê Avusturalyayê Penny Wong jî bi daxuyaniyekê şideta Îranê şermezar kir.
Şideta dîplomatîk a li ser Îranê bi boneya şideta li hemberî gel hindî diçe zêde dibe. Piştî DYA, Ingilîstan, Almanya, Kanada û Neteweyên Yekbûyî, Hollanda û Avusturalyayê jî şideta li ser gel şermezar kirin. Wezîrê Karên Derve yê Hollandayê David van Weel bi boneya şideta li dijî gel Sefîrê Îranê yê Holandayê gazî wezaretê kir.
Davît van Weel destnîşan kir ku bi raxistina erdê ya cenazeyên çalakgeran tevahiya mirovahiyê matmayî hiştiye. Weel got ku bi pîşesaziyên xwe yên Ewropayî de di nav hevgiriyê de meyamên nerazîbûna xwe ji Sefîrê Îranê re ragihandiye û wiha got: “Min bi fermî peyama şermezarkirina şideta zêde ya li dijî çalakgeran, binçavkirinên bêhed û girtina înternetê ji Îranê re ragihand.”
Banga pêdankirinên cezayî kir
Davît van Weel diyar kir ku wan daxwaza dawîkirina şidetê, berdana kesên hatine binçavkirin û vekirina înternetê dubare kiriye û xwestiya ku Îran ji mafên gel re rêzdar bibe.” Weel bang li Ewropayê jî kir ku pêdankirinên cezayî danên ser Îranê.
Wezîra Karên Derve ya Avusturalyayê Penny Wong jî bi daxuyaniyek li ser malpera xwe ya Xê weşandî de şideta Îranê ya li hemberî gel şermezar kir. Wong anî ziman ku ew piştgiriya jin û mêrên leheng û çelen ên vî welatî dikin û şideta Îranê ya derveyî pîvanên mirovahiyê di asta herî tund de şermezar dikin. Wong bang li Îranê kir ku girtiyan berde, hesabê ji kujeran bipirse û rêzên ji mafên gel re bigire.
NY bi fikar e
Berdevkê Sekreterê Giştî yê Neteweyên Giştî Stephane Dujarric ku duh bi dawuyaniyekê fikarên xwe yên derbarê şideta Îranê de anîbûn ziman cardin bang li Îranê kir ku dawiyê li şidetê bîne.
