Li gorî agahiyên Rêxistina Mafê Mirovan (HANA) roja 3ê Çile li bajarê Malaşahî ya li ser wîlayeta Îlamê çekdarên rejîma Îranê li dij xwepêşandêran çek bikar anîn û di encamê de 4 xwepêşandêr hatin kuştin û 30 pêşandêr jî birîndar bûn.
Rêxistina Mafên Mirovan (HANA) derbarê geşedan ango xwepêşandanên li Îranê û Rojhilatê Kurdistanê de agahiyan belav dike. Li gorî agahiyan xwepêşandêr dema di rêya ber qereqola Basijê de derbas dibûn çekdarên rejîma Îranê gule li xwepêşandêran reşandin. Xwepêşandêr di vê êrişê de tên kuştin û birîndar dibin. Heman çavkanî didin zanîn ku ji ber birîndarên zêde li nexweşxaneyê tengasiya xwînê heye û banga lezgîn ya dayîna xwînê jî tê kirin.
Hêzên rejîma Îranê hewl dide ku birîndarên xwepêşandêr ên li nexweşxaneyê bigire lê gel û rayedarên nexweşxaneyê li dij wan dest bi berxwedanê dikin û destûr nadin ku birîndarên xwepêşandêr bikevin destê hêzên rejîma Îranê.
Li gor agahiyan gelek birîndar rewşa wan a jiyanê di xetereyê de ye. Hat gotin ku navê kesên di êrişa leşkerên rejîma Îranê de hatine kuştin Reza Azimzadeh, Farez Aghamohammedi, Muhammed Bozuneh û Mehdi Emamipour e. Wepêşandêrên birîndar jî rakirin nexweşxaneya Malekşahi û nexweşxaneya li Îlamê ya bi navê Emam Khomeini.
Îran qanûnên parastina mafên mirovan ên navneteweyî binpê dike
Ev jî pesend dike ku lekerên girêdayî rejîma Îranê li dij xwepêşandêrên bê çek êrişên kujerane pêk aniye. Li gorû Peymana Medenî û Siyasî ya Navneteweyî (UÎKH) xala 6emîn ku îmzeya Îranê jî di bine wê de ye bêhiqûqî tê kirin û mafên jiyanê hatiye binpêkirin. Her wiha li gorî xala 21emîn a UÎKHê mafên kombûna aştiyane jî hatiye binpêkirin.
Destwerdana li nexweşxaneyan binpêkirina cidî a biryarên navneteweyî ye
Standardê yasayên navneteweyî diyar e. Neteweyên Yekbûyî diyar dike ku heta şert û mercên bikaranîna çek çênebe bikaranîna çekê sucê mirovahiyê ye. Destwerdana nexweşxaneyan, li nexweşxaneyan girtina birîndarên xwepêşandêr, tirsandina xebatkarên nexweşxaneyan îhlal û binpêkirina mafê azadiya kesayetî û mafê ewlehiya şexsiye. Li gor xala 9ê ya UÎKHê binpêkirina cidî ya mafê xwegîhandina dermanên tibî ye.
Lêpirsînek serbixwe
Her wiha Îran berpirse ku li gorî Protokola Minnesotayê destûrê bide kuştinên ku derqanûnî pêk hatine ji aliyê lêpirsînên şefaf û bêalî vê pêk bên.
