Senatorê Amerîkî jî peyamek balkêş belav kir. Senatorê Amerîkî Lindsey Graham diyar kir ku piştî êrişên Amerîkayê yên li Venezuelayê, divê rêberên Kuba û Îranê jî bi fikar bin.
Li gor nûçeya Rojnewsê gefên rayedarên Amerîka yên li dijî Îranê zêde bû. Vê carê Serokê Amerîkayê Donald Trump di 2yê çile de derbarê xwepêşandanên li Îranê peyamek belav kiribû. Trump gef li Îranê xwar û got; “Eger Îran xwepêşanderan bikujin, Amerîka dê bi hawara wan ve biçe. Em bi çek û cebilxaneyên xwe amade ne û li benda tevgerê ne.”
Di 3yê çile de li Caracas a paytexta Venzeuelayê dengê teqîn û balafirên şer hatin bihîstin. Piştî wê serokê Amerîkayê Donald Trump li ser hesabê xwe yê medya dijîtal Truth Socialê, derbarê mijarê de daxuyaniyek belav kir. Trump ragihand ku wana operasyoneke mezin li dijî Venezuelayê pêk aniye. Donald Trump diyar kir ku êrişên li Venezuelayê ji aliyê Amerîkayê ve hatine kirin û Serokê Venezuelayê Nicolas Maduro û hevjîna wî jî hatine girtin.
Senator jî gef li Îranê xwar
Piştî mûdaxeleya Amerîka ya li Venezuelayê derbarê bêserûberiya navneteweyû her diçe fikar zêde dibin. Senatorê Amerîkî Lindsey Graham ku bandora xwe ya zêde ya li ser Trump tê nasîn di hevpeyvîna xwe ya bi Axiosê re li ser operasyona li dijî Venezuelayê axivî. Lê Graham bi taybet jî bi awayek vekirî gef li serokê Îran û Kubayê jî xwar û got; “Piştî êrişên Amerîkayê yên li Venezuelayê, divê rêberên Kuba û Îranê jî bi fikar bin.”
