* Nasnameya demkî ya Zozan Xelîl a ji Kobanê ye û li Bakur weke penaber dijî hatiye betalkirin. Zozan Kobanê ji ber vê yekê nikare tedawî bibe û ji bajarekî biçe bajarekî din.
* Qahir Bateyî ku ji bo weşanxaneya xwe Sîtavê li ser pêyan bigire karê mêşvaniyê dike, diyar kir ku ew ji ber rewşa aboriyê nikarin berhemên di destê xwe de çap bikin.
* Li Nisêbînê ji aliyê şaredarî û jinan ve di çarçoveya bajarê jinê de Tovê Dayîkê hatiye komkirin. Şitlên ku ji Tovê Dayîkê dê bên gihandin dê li Bîstanê Jinê werin çandin.
* Bi 11mîn pakêta darazê re bi hezaran girtiyên edlî hatin berdan. Girtiyê edlî Okay Gur çawa ku hat berdan li navçeya Sûrê ya Amedê Rojda Yakişikli kuşt. Lê li aliyê din girtiyên siyasî tevî ku cezayên wan diqetin jî bi hinceta “poşman nebûye” nayên berdan.
* Girtî Şaban Kaygûsûz ê ku dest û lingên wî yên rastê nînin bi tena serê xwe di hucreya yek kesî de tê ragirtin.
* Nûnerên saziyên civakî yên demokratîk ên Şirnexê diyar kirin ku azadiya Rêberê Gelê Kurd Abdullah Ocalan azadiya civakê û jinê ye û bang li hemû beşên civakê kirin ku tev li mîtînga “Hêvî û Azadiyê” bibin.
