Li gorî çavakaniyên herêmî hêzên rejîma Îranê di 18ê Kanûnê de 2 Kurd binçavkirine û heta niha ligel hemû hewildanên malbatan jî tu agahî ji wan nehatiye girtin.
Li Îranê zordariya li hemberî Kurdan berdewam dike. Li gorî agahiyên çavkaniyên Kurdpayê di 18ê Kanûnê de 2 Kurdên bi navên Mihemed Ebasî yên ji gundê Gugajlî û Ûbeyd Sourî yê ji Gundê Şîn Abadê yên bi ser Bûkanê ve ji hêla hêzên rejîma Îranê ve hatine binçavkirin. Li gorî agahiyên malbatan ji wê rojê heta niha hewil didin xwe bigihînin xizmên xwe lê ligel hemû hewildanan jî nekarîne tu agahiyan bigirin. Malbatan destnîşan kir ku zarokên wan bêseraşûn kirine û niha nizanin li ku derê tên girtin. Li gorî agahiyan bêyî biryareke dadgehê derbarê her du kesan de hebe jî bi awayek keyfî ji hêla hêzên rejîmê ve hatine desteserkirin.
