Şaredariya Bajarê Mezin a Amedê 7emîn merasîma xelatdayîna Nivîsîna Lîstikên Kurdî ya Evdirehîm Rehmî Hekarî li dar xist.
Şaredariya Bajarê Mezin a Amedê 7emîn merasîma xelatdayîna Nivîsîna Lîstikên Kurdî ya Evdirehîm Rehmî Hekarî li navenda ÇandAmedê ya navçeya Bajarê Nû ya Amedê li dar xist. Beriya ku xelat bên dayîn şanoya ‘Lîstika Şanoya Jîn’ û ‘Kokteyl’ hatin lîstin. Piştre jî li eywana şanoyê kesên ku senaryoyên fîliman nivîsandibûn hatin xelatkirin.
Hevseroka Giştî ya Partiya Herêmên Demokratîk (DBP) Çigdem Kiliçgun Ûçar, endamên MA Muzîkê û gelek nivîskar û derhêner di merasîmê de amade bûn.
Çîgdem Kiliçgun Ûçar di merasîmê de axivî û got: “Merasîma şano û nivîsîna lîstîkên Kurdî ya Evdirehîm Rehîm Hekarî pîroz be. Ez bi rêzdarî Hekarî bi bîr tînim. Divê em hemû girêdayî zimanê xwe bin. Em bi zimanê xwe hene. Di kîjan qada kar û xebatan de dibe bila bibe, divê em bi zimanê xwe biaxivin.”
