3yemîn Festîvala Fîlman a Navneteweyî ya Amed bi merasîmeke xelatdayînê bi dawî bû. Endama Komîteya Amadekar a Fîlman Derhêner Lisa Çalan bal kişand ser girîngiya pêvajoya aştiyê û got: “Çîrokên me tevan dişibin hev. Hezar silav ji mîmarê pêvajoya aştiyê re.”
Bi malovaniya Şaredariya Bajarê Mezin a Amed û organîzekirina Akademiya Sînemayê ya Rojhilata Navîn û Sinebîr, 3yemîn Festîvala Fîlman a Amed ku di 7ê Kanûnê de, bi dirûşmeya “Dinya bi çîrokan tê ba hev û cîhan bi çîrokan re ye” dest pê kir û bi dawî bû. Di festîvalê de 84 fîlm û belgefîlm hatin nîşandan û gelek atolye hatin lidarxistin. Festîval bi xelatdayînê bi dawî bû. Merasîma xelatdayînê li Navenda Kongreyê ya ÇandAmed pêk hat. Hezkiriyên fîlman, siyasetmedar, nûnerên rêxistinên civaka sivîl û gelek kes li wir amade bûn. Di merasimê de dirûşmeya “Jin Jiyan Azadî” hat berzkirin.
Bernameya merasîma xelatdayînê bi pêşandana vîdyoyek ku festîvalê kurteber dike dest pê kir. Piştî vê yekê, Lisa Çalan, li ser navê Komîteya Amadekar a Festîvalê axivî û diyar kir ku ew gihîştine dawiya festîvalê û got: “Me di her çîrokê de ne tenê xwe û beşên xwe dît. Me dît ku çîrokên me ji hev ne cuda ne. Ziman û awayên axaftina me dibe ku cuda bin, lê êşa me hyemûyan yek e. Em fîlman an ji ber qedexeyan an jî ji ber sansurê nikarin sînemayan bibînin. Festîval ew in ku dihêle ev fîlm bigihîjin raya giştî. Ji ber vê yekê em qîmetê didin festîvalan. Festîvala Amed di vî warî de girîng bû. Ev çîrok dê bi aştiyê geş bibin. Em ê bi vê festîvalê û bi vê pêvajoya aştiyê ya hatiye destpêkirin berdewam bikin. Hezar silav ji mîmarê vê pêvajoya aştiyê re. Bijî sînemaya azad û şoreşger, em spasiya saziyên ku piştgiriyê didin festîvalê dikin.”
‘Em tiştekî pir girîng winda dikin’
Hevşaredara Bajarê Mezin a Amed Serra Bucak jî axivî û got: “Piştî 8 salan bajar bi gelek zehmetiyan re rû bi rû maye. Lê em hewl didin ku ava bikin. Sala bê em ê di Festîvala Fîlman a Amed de hezkiriyên xwe sînemaya Amedê dê li salonên cüda bin. Di sînemayan de li gelek deverên vî bajarî em ê fîlman temaşe bikin. Ez vê sozê didim we. Ez fîlmçêkerê pir hêja Sirri Sureyya Onder li vir bi bîr tînim. Ger ew îro sax bûya bê guman ew ê li vir bûya me şa bikira. Em tiştekî pir girîng winda dikin. Ez dizanim ku ruhê wî, çavên wî û hişê wî 8 rojan li vir geriya û hemî fîlmçêkerên ciwan îlham kir. Wî got, ‘Kurd gelekî wisa ne ku tevî ew qas pir in jî ew bi serhişkî aştî û demokrasiyê dixwazin bêyî ku ji xwe re tiştek bixwazin. Di sedsala 21an de Kurd dê romana ku hîn nehatiye nivîsandin fîlma ku hîn nehatiye çêkirin helbestê biafirînin.’ Ez bawer dikim ku ev xewn dê pêk were.”
Xelata fîlman ji bo Dîlan Karaman hate veqetandin
Piştre daxuyaniya Fona Projeya Sînebîrê ku ji aliyê juriyê ve hatiye hilbijartin pêk hat. Berfîn Emektar li ser navê juriyê axivî û spasiya kesên ku beşdarî festîvalê bûne kir û got: “64 fîlm û belgefîlm ji bo Xelata Projeya Sînebîrê ya îsal hatine şandin û 15 ji wan ketine hilbijartinê. Me di her kategoriyê de projeyek xelat kir. Em dixwazin teqez bikin ku tu projeyên ku me temaşe kirin ne temam û ne jî bêqîmet bûn. Her derhêner û senarîst dixwaze li ser kolektîfa gelê Kurd şopek bihêle. Projeyên ku îro hatine xelatkirin tenê ew projeyên ku îsal derketine holê bûn. Ji bo me hemû proje bi qîmet in. Daxwaza me ew e ku em van projeyan di salên pêş de li festîvalan bibînin. Bila rêya we zelal be.”
3 fîlman xelat girt
Xelatên tematîk ji fîlmên ku di çarçoveya festîvalê de hatine nîşandan re hatin dayîn. Piştre Seroka Daîreya Çand û Geştiyariyê ya Şaredariya Bajarê Mezin a Amed, Zeynep Yaş ji bo pêşkêşkirina xelata Rûmetê ya Zîlan Hemo, derket ser dike. Wê xelat ji bo fîlma “Sêgoşe” da Jino Hadî Hesen. Ji ber ku Jino Hadî Hesen beşdar nebû, xelat ji hêla derhêner Zanyar Muhammadîneko ve hate wergirtin.
Belgefîlman jî xelat girtin
Di dawiyê de, xelat ji belgefîlman re hatin dayîn. Xelata Taybet a Juriyê ji bo fîlma wî ya “All The Mountains Give” ji Arash Raksha re hate dayîn.
Xelata Taha Karimî ji bo fîlma wan a “Xalko” ji Sami Mermer û Hind Benchekroun re hate dayîn.
6 xelat ji dan fîlmên taybet
Di kategoriya fîlmên dirêj de şeş xelat hatin dayîn. Xelata Sînematografiya Afirîner ji bo fîlma “Ciran” a Stephane Kuthy çû. Xelata Senaryoya Sirri Sureyya Onder ji bo fîlma “Ezmûn” ji Shawkat Amîn Korkî re hat dayîn. Xelata Çarçoveya Estetîk ji bo fîlma “Beriya Şevê” ya Alî Kemal Çinar çû ku ev xelata wî ya duyemîn e. Xelata Cilên Serhildêr ji bo fîlma xwe “The Virgín and Child” ji Binevşa Bêrîvan re hat dayîn. Berfin Emektar xelat li ser navê derhêner wergirt.
Xelata Taybet a Juriyê dan fîlma “Zalava” a Arselan Amirî. Xelata Berxwedana Yilmaz Guney a “Sonne” jî dan Kurdxwîn Eyûb.
Piştî merasîma xelatdayînê, endamên komîteya amadekar a festîvalê vexwendin ser dikê. Girseyê ji bo wan weke çend deqeyan çepik lêxistin. Bername bi kişandina wêneyên komî bi dawî bû.
