Baroya Amedê ji bo bîranîna Tahîr Elçî dîwana dengbêjan li dar xist. Dengbêj Mistefayê Botî û Mihemedê Şêxmîrî ji bo bîranîna Tahir Elçî strîn.
Serokê Baroya Amedê Tahîr Elçî berî 10 salan di 28ê Mijdarê 2015an de li pêşiya Minareya Çarling a li Sûrê hate kuştin. Elçî îro bi çalakiyên cuda hate bibîranîn. Baroya Amedê ji bo bîranîna Tahir Elçî li Eywana Konferansê ya Tahir Elçî ya baroyê dîwana dengbêjan li dar xist.
Serokê Baroyê Amedê Abdulkadîr Elçî û gelek parêzer tev li dîwana dengbêjan bûn. Dengbêj Mistefayê Botî û Mihemedê Şêxmîrî, ji bo bîranîna Elçî kilam gotin.
