Dayik û bavê Rojîn Kabaîşê, Aygul KAbaîş û Nîzamettîn Kabaîş, bi parlamenterên DEM Partiyê re hevdîtinê pêk anîn.
Malbata Rojîn Kabaîşê ku li Wanê bi awayekî biguman jiyana xwe ji dest da, serdana Koma Meclîsê ya Partiya Wekhevî û Demokrasiyê ya Gelan (DEM Partî) kir.
Serokwekîlê Koma DEM Partiyê Sezaî Temellî û parlamaneterên pê re, li eywana civînê ya Meclîsê dayik û bavê Rojînê, Aygul Kabaîşê û Nîzamettîn Kabaîş pêşwazî kirin.
Malbatê, têkoşîna ji bo ronîkirina cînayetê û gefên ku di vê heyamê de li wan hatine xwarin bi DEM Partiyê re parve kir. DEM Partiyê jî anî ziman ku ew rewşê ji nêz ve dişopîne û got ku ji bo berpirs bên dîtin û cezakirin dê têkoşînê bidomînin.
