Parlamenterê DEM Partî Saruhan Oluç da zanîn ku tifaqa Komarê ji bo sepana qeyûman bi dawî bibe wê sererastkrina qanûnî pêk bîne û got, “Rejîma qeyûman wê edî bi dawî bibe.”
Li Meclîsa Tirkiyeyê hevdîtinên pêşniyarên Budçeya Navendî ya Tirkiyeyê didome. Îro jî budçeya Wezareta Çand û Turîzme û daireyên giredayî wê hat nîqaşkirin. Di hevdîtinên budçeyê de endamê komisyona budçeyê ya Partiya Wekhevî û Demokrasiyê yê Gelan (DEM Partî) Saruhan Oluç axivî. Saruhan Oluç diyar kir ku daxwaza gel ew ê ku Girtîgeha Hejmar 5 a Amedê bibe muzeya “Bîr û hevrûmayînê” lê wisa dikin ku muzeyê bikin muzeya “Etnografya” û bertek nîşanî desthilat da.
Saruhan Oluç diyar kir ku qeyûmê şeredariya Elîhê hewl dide Navenda Çandê ya Ahmet Guneştekîn a şaredariyê veguhezîne Rêveberiya Şanoyên Dewletê. Saruhan Oluç da zanîn ku ji bo dawî li sepanên qeyûm were wê di demekê nêz de sererastkirina qanûnî ji pêk were û ev tişt gotin: “Sepanên qeyûm sûde nadin kesî û zirarê didin. Rêziknameyên qanûnî yên der barê van qeyûman de nêzîk in; pir dereng nabe. Ez bawer dikim ku di nav çend mehan de, Lijneya Giştî ya Meclîsê, komîteyên pispor, Lijneya Edaletê û Lijneya Karûbarên Navxweyî dê li gorî pêşniyarên lijneya ku di vê meclîsê de hatiye damezrandin, karên xwe bikin û rêziknameyên qanûnî dê di rojevê de bin. Rejîma qeyûman wê edî bi dawî bibe.”
