Di nav çiyayên bilind ên Dêrsimê de, daristanên li devera Salordekê bi hatina payîzê re mîna tabloyeke ku xwezayê bi destan xêz kiribe nîşan dide.
Di nav çiyayên bilind ên Dêrsîmê de, daristanên li devera Salordekê bi xweşikî û bedewiya xwe tên zanîn. Bi hatina payîzê re ev daristan bi rengên zer, kesk, sor û qehweyî dibin qadekî efsûnî. Darên cur bi cur ku bi awayekî xwezayî şîn bûne, di navbera zinaran de xemla xwezayê temam dikin. Bejna xweşikî û heşmekêşiya xwe didin nîşandan.
Her sal, bi destpêka demsala payîzê re mêvanên ji çar aliyên Kurdistanê û derveyî wê tên Salordekê ji girên dûr, panorama rengîn a daristanê temaşe dikin. Ev der mîna tabloyekî ku xweza bi destan xêz kiribe, xwe radixe ber çavan. Rê û dirbên daristanê yên bi pelên zer xemilandî, mêvan bi meşê dikevin nav dilê xwezayê. Dengê pelên di bin lingan de û bêhnxweşiya dar û axê hemû bi hev re aramiyek bêhempa didin mirov û henaseya mirovan fireh dibe.
Salordek ne tenê cihê bedewiyê ye, lê di heman demê de sembola jiyan û berxwedana xwezayê ye. Xelkê herêmê dibêje “Ev daristan ne tenê dar in, ew dîroka me, çanda me û ruhê me ye.” Ji ber vê yekê, her mêvanek ku tê vir, ne tenê xwezayê, lê parçeyekî ji mîrateya Kurdistanê jî dibîne.
