Serokê Komîsyona Meclisê Numan Kurtulmuş, beriya civîan 16emîn a Komîsyonê axivî û got: “Komîsyon ber bi dawîbûna amadekariya raporê ve diçe û got: “Komîsyonê ji bo guhertinên zagonî dê çarçoveyeke giştî amade bike û pêşkêşî meclisê bike.
Serokê Meclisê û Serokê Komîsyona Meclisê beriya civina 16emîn nirxandinek kir. Komisyonê îro li Wezîrê Karên Derve Hakan Fidan gğuhdar kir. Dê saet di 13.00an de jî li Wezîrê Dadê Yilmaz Tunç guhdar bike.
Serokê Meclisê û Komîsyonê Numan Kurtulmuş, beriya destpêkirina civînê axivî û wiha got: “Em ber bi dawiya amadekariya raporê ve diçin. Me di 5ê tebaxê dest bi vê pêvajoyê kir. Wekî pêvajoyeke serkeftî pêş dikeve. Ev komîsyoneke dîrokî ye. Ev komîsyon bi rist û erka xwe komîsyoneke dîrokî ye. Li ser navê gel erk û berpirsiyarî daye ser milê xwe. Bi tevlêbûna gelek pêkhateyan muzakere pêk anî.”
Numan Kurtulmuş, da zanîn ku komîsyonê ji bo demokrasiya Tirkiyeyê xebatek pir baş pêş xistiye û wiha got: “Ev komîsyon tenê li ser navê komekê û partiyekê nerînê xwe nîne ziman. Her kes fikra xwe ji bo xwe dihêle. Em li vir li ser xalên hevpar û fikrên hevpar gihiştin hev.”
Nûman Kurtulmuş, herî dawî da zanîn ku li ser daxuyaniyên li Îmraliyê rêxistinê xwe fesix kir û wiha got: “Hemû pêkhateyên wê diyar kirin ku dê xebatên rêxistinê nemeşînin. Bi taybetî daxuyaniya 26ê cotmehê ev gihiştiye pêngavek jortir. Bi vê yekê re dê xebat û guhertinên zagnî jî bêne amadekirin. Komîsyonê ji bo guhertina zagonan çarçoveyek amede kir û dê vê çarçoveyê pêşkêşî meclisê bike. Ev ne cihê guhertina zagonên destûra bingehîn e. Lê dê çarçoveyekê xêz bike û pêşkêş bike. Heta niha gavên mezin hatin avêtin.”
