Îkram Guren ê ku ji Girtîgeha Tîpa Tyê ya Bafrayê dihat girtin û berdana wî sê caran bi hincetên cuda dihatin astengkirin, piştî 31 salan hate berdan.
Îkram Guren ê ku li Girtîgeha Tîpa Tyê ya Bafraya Samsûnê dihate ragirtin piştî 31 salan ji girtîgehê hate berdan. Guren ê ku di Cotmeha 1994an de ji aliyê Dadgeha Ewlehiyê ya Dewletê (DGM) ve hatibû girtin cezayê muebedê lê hatibû birîn. Li girtîgehên weke Kayserî, Yozgat, Mêrdîn, Baybûrt, Ordû û herî dawî jî li Girtîgeha Bafrayê bû. Divê ku Guren di 11ê Cotmeha 2024an de bihatana berdan, lê belê sê caran bi hincetên cuda berdana wî hatibû astengkirin.
Berdana wî herî dawî jî di 8ê Cotmehê de bi hinceta “Nebûna halê baş” hatibû astengkirin. Piştre jî Guren bi rêya parêzerên xwe di 13ê Cotmehê de îtîrazî biryarê kiribû. Îtîraz di 15ê Cotmehê de hatibû qebûlkirin û piştî 31 salan serbest hate berdan. Guren li pêşiya girtîgehê ji aliyê parêzerên endamên Komeleya Hiqûqnasê ji bo Azadiyê (OHD) ve hate pêşwazîkirin û paşê jî hatin Amedê.
Îkram Guren vê sibehê gihîşt Amedê û li avahiya MED TUHAD-FEDê ji aliyê malbat û rêveberên komeleyê ve hate pêşwazîkirin. Piştî pêşwaziyê Guren li gel malbata xwe derbasî navçeya Farqînê bû.
