* Cigirê Hevserokên DEM Partiyê Mahfuz Guleryuz bi lêv kir ku pergala netewe dewletê entegrasyonê weke cureyeke bişaftinê pênasê dike û got: “Entegrasyona Demokratîk berovajî wê li ser bingeha hevdu qebûl kirinê ye. Bi vê modelê pirsgirêka Kurd û ya gelan çareser dibe.”
* Siyasetmedar û civaknas Abdullah Demîrbaş, koçberkirina welatên Ewropa wekî encama polîtîkaya şerê taybet dît û got: “Dixwazin bi vê koçberkirinê mirovan ji nasname û koka xwe dûr bixin. Qada têkoşîn û rêxistinkirinê welat bi xwe ye.”
* Endama Konseya Serokatiya Giştî ya KCKê Zilar Stêrkê derheqê pêvajoyê de pirsên ajansa me bersivandin û diyar kir ku pêvajo dê bi azadiya fizîkî ya Rêberê Gelê Kurd Abdullah Ocalan şênbertir bibe û divê komîsyon demildest li Ocalan guhdar bike. Zilar Stêrkê got ku komîsyon ji bo nasîna ziman û nasnameya gelê Kurd jî divê zemîna hiqûqî û yasayî amade bike.
*Şaxa OHDê ya Enqere tekildarî biryarên Lîjneya Rêveberiya Çavderiyê ya Girtîgehan li ber Girtîgeha Sîncanê daxuyaniyê bide. (14.00)
* Rojnameger Seyîd Evran ku sala par jiyana xwe ji dest da, dê di yekemîn salvegera xwe de li gelek cihan bê bibîranîn.
