* Endamê komîsyonê yê DEM Partiyê Cengîz Çîçek bi lêv kir ku peywira sereke ya komîsyonê tekildarî mafê heviyê amadekirina pêşnûmeya hiqûqî ye û got: “Di meha Cotmehê de an jî beriya wê berpirsyariya herî mezin a komîsyonê guhdarkirina birêz Abdullah Ocalan e.”
* Hevseroka Desteya Perwerdehiyê Semîra Hecî Elî anî ziman ku ew di qada perwerdehiyê de pergala ekolojîk, demokratîk û azadiya jinê esas digirin û bi 3 zimanan perwerdeyê didin. Semîra Hecî Elî destnîşan kir ku hemû pêkhate hebûna xwe di pergala perwerdehiyê de dibînin.
* Endama Komîteya Amadekar a 9emîn Festîvala Belgefîlma FîlmAmedê Dîlan Toftîkê têkildarî naveroka festîvalê axivî û destnîşan kir ku Belgefîlma FîlmAmedê heqîqeta civakî radixe li ber çavan.
* Rûspiyên Şirnex derbarê pêvajoya heyî de gotin ku ji bo aştiyê hewceyî bi tifaqa Kurdan heye û divê Ocalan were berdan da ku li ser maseyê aştiyê rûne.
* Rojnameger û rewşenbîr Apê Mûsa ku di 20ê Tîrmeha 1992yan de hate qetilkirin, dê li kuçeya 442yan a Seyrantepe ya Amedê bê bibîranîn. (11.00)
* Malbatên Windakiriyan û Şaxa ÎHDê ya Amedê dê di hefteya çalakiya xwe ya 867an de li Parka Koşûyolû ya navçeya Rezan a Amedê li aqûbeta Îbrahîm Gundem bipirsin. (12.00)
* Dayikên Şemiyê û parazvanên mafên mirovan ji bo aqûbeta windayan bipirsin dê li Qada Galatasarayê di hefteya Hezar û 65an de daxuyaniyê bidin çapemeniyê (12.00)
* Komîsyona Girtiyên Nexweş a ÎHDê ji bo girtiyên nexweş bêne berdan dê daxuyaniyê bidin çapemeniyê. (13.00)
* DEM Partî wê li navenda xwe ya giştî bi beşdariya parlamentera Rihayê Dîlan Kûnt Ayan û Cigirê Hevserokên Giştî yên DEM Partiyê Mahfuz Guleryuz panela “Serpêhatiyên Rojava û îhtîmala Suriyeya Demokratîk” li dar bixe. (14.30)
