Ajansa Jinnewsê daneyên meha Tebaxê yên der banê kuştina jin û zarokan de komî ser hev kir. Li gorî daneyên JINNESde di tebaxê de 28 jin û 5 zarok hatin kuştin. 7 jê zarok 25 jin jî bi biguman hatin kuştin.
Li Kurdistan û Tirkiyeyê her roj jin û zarok tên kuştin û ev kuştin nayê dîtin. Gelek kujer piştî tên binçavkirin û girtin jî nayên cezakirin û serbest têne berdan. Yên têne cezakirin jî rastî cezayekî hindik tê. Piranî jin ji hêla naskiriyên xwe ve tên kuştin. Lê ligel her cure tundî, kuştin, destdirêjiyê jin têkoşîna xwe ya ji bo jiyanê û dengbilindkirinê didomînin. Li gorî daneyan di tebaxê de 28 jin hatin kuştin. 25 jin jî bi guman hatin kuştin.
Kujerên 4 jinan nayê zanîn. 2 jin ji hêla kurê xwe ve, 4 jin di asta destberdanê de, 12 jin ji hêla kesên bi wan re zewicandî ve, 3 jin ji aliyê mêrê ku bi hev re dijiyan, jinek ji aliyê karmend ve, jinek ji hêla mêrê ku dest ji hev berdabûn, jinek ji hêla naskiriyê xwe ve û jinek jî ji hêla xizmên xwe ve hatine qetilkirin.
Li Edeneyê 2, li Antalyayê yek, li Trabzone 2, li Denîzliyê yek, li Karabukê yek, li Edîrneyê yek, li Enqereyê yek, li Ispartayê yek, li Balikesirê yek, li Mêrdînê yek, li Kayseriyê yek, li Mêrsînê 2, li Mûglayê 2, li Rihayê yek, li Stenbolê 2, li Amedê 2, li Aydinê yek, li Agiriyê yek, li Konyayê yek, li Kocaeliyê yek, li Dîlokê yek û li Bûrsayê jî jinek hat qetilkirin.
