Profesora femînîst û felsefeya zanistî ya Amerîkî Helen Longino, ji DEM Partiyê re nameyek şand û ev peyam da: “Banga Ocalan ku têkoşîna çekdarî li aliyekê hişt û parast ku hemû mafên ji bo Kurdan û her kesê li Tirkiyeyê tê xwestin bi rêyên aştiyane bên bidestxistin, bi rastî bandor li min kir.”
Profesora femînîst û felsefeya zanistî ya Amerîkî Helen Longino, derbarê Banga Aşîtî û Civaka Demokratîk a Rêberê Gelê Kurd Abdullah Ocalan ku di 27’ê Sibatê de hatibû kirin, nameyek ji Partiya Wekhevî û Demokrasiyê ya Gelan (DEM Partî) re şand.
Helen Longino di nameya xwe de ev yek nivîsî: “Ez bi kêfxweşî pêşwazî li biryara DEM Partiyê dikim ku ji bo avakirina civakeke aştiyane, pirreng û demokratîk li Tirkiyeyê têdikoşe. Banga Abdullah Ocalan ku têkoşîna çekdarî li aliyekê hişt û parast ku hemû mafên ji bo Kurdan û her kesê li Tirkiyeyê tê xwestin bi rêyên aştiyane bên bidestxistin, bi rastî bandor li min kir. Di têkoşîna we de serkeftinê ji we re dixwazim.”
Helen Longino kî ye?
Helen Longino ku endama beşa Felsefeyê ya Zanîngeha Stanfordê ye, li ser felsefeya zanistî, epîstemolojiya civakî û felsefeya femînîst gelek pirtûk nivîsandine. Longino, ku dibêje “Femînîzm pêwîstiya zanistê ye, zanist jî pêwîstiya femînîzmê ye”, bi xebatên xwe yên li ser aliyên civakî yên zanistî û têkiliyên di navbera nirxên civakî-zanistî de, wekî yek ji fîlozofên zanistî yên femînîst ên herî bibandor ên zindî tê qebûlkirin.
