Jinan di pêşengiya Tevgera Jinên Azad (TJA) de piştî li Sînorê Nisêbîn Qamişloyê daxuyanî dan bi girseyî çûn malbata Cîhan Bîlgin a Mîdyatê û sersaxî ji malbatê re xwestin. Hevseroka Mebya-Derê Gurbet Tekîn anî ziman ku wê beşa hiqûqê xwendibû û wiha got: “Ew dikaribû bibûya parêzer. Lê nebû parêzer. Got ‘Ez nikarin çavê xwe ji wîcdanê xwe re bigirim’ û bû dengê heqîqetê.”
Jinan di pêşengiya TJAyê de ewil çûn li ser sînorê Nisêbîn-Qamişloyê piştgirî da çalakiya Nobeta Sînor û li gel saziyên çapemeniyê daxuyanî dan. Jinan di pêşengiya TJAyê de piştre serdana malbata Rojnamevan Cîhan Bîlgin kirin û sersaxî ji malbatê re xwestin. Di serdana malbatê de rojnamegerên çapemeniya azad, nûnerên Mebya-Derê, aktîvîstên TJAyê, Dayikên Aştiyê, Parlamenterên DEM Partiyê û gelek kesên din amade bûn. Li vir Hevseroka Mebya-Derê Gurbet Tekîn û rojnamevan Ozdur Deger axaftin kirin. Beriya axaftinê ji bo rojnamegerên jiyana xwe ji dest dane rêz girtin. Pişti rêzgirtinê Hevseroka Mebya-Derê Gurbet Tekîn axivî û wiha got: “Wan dengê jiyanê û dengê rastiyê gihandina gel. Wan agahiyên rast ragihandin gel. Ji ber rastiya dewletê anîn ziman û rûreşiya dewletê nîşan dan hatin kuştin. Dewlet li aliyekî dibêjin aştî, li aliyê din şerekî hovene dimeşîne. Ji ber wan rastiya dewletê derxistin holê bûn hedef. Şehîd Cîhan Bilgin digot ‘Min nikaribû çavê xwe ji wîcdanê xwe re bigirta.’ Wê hiqûq xwendibû. dikaribû bûbûya parêzer. lê wê xwest bibe dengê heqîqetê û rastiyê bi gel parve bike. Wê rêya ronahî û heqîqetê da pêşiya xwe.”
Heta Rêber Abdullah Ocalan azad nebe aştî nayê Rojhilata Navîn
Gurbet Tekîn, bang li hemû gelê Kurd kir û wiha got: “Hemû kesên xwedî wîcdan divê destê xwe dînin ser wîcdanê xwe û piştgiriyê bidin gelê Rojava. Îro hemû gelên navdewletî rastiya DAIŞê dibînin. Dîtin ku gelê me yê Rojava DAIŞ tune kir. Lê îro li hemberî vê rastiyê bêdeng in. Em dibêjin çareserî li Îmraliyê derbas dibe. Heta Birêz Abdullah Oclaan azad nebe, dê ev êş, ev xwîn û ev hêsirên çavên dayikan bidome. Li aliyekî destê aştiyê dirêj dikin, li aliyê din tecrîdê giran dikin. Di rastiyê de aştiyê naxwazin. Lê em aştiyê dixwazin. Em dixwazin wekî hemû gelên cîhanê xwedî maf bin. Divê em li dora Rêber Abdullah Ocalan bibin xelek û wî azad bikin. Heta Rêber Abdullah Ocalan azad nebe aşti nayê Tirkiye û nayê Rojhilata Navîn.”
Rojnameger Oznûr Deger jî anî ziman ku ji bo qala Nazim û Cîhan bikin gotin têr nake û wiha got: “Em wekî çapeeniya azad sersaxiyê ji malbatê re dixwazin. Em ê vê têkoşînê mezintir bikin. Em ê mîrata wan mezintir bikin. Em ê bigêjin armanca wan. Em ê pênûs û kameraya wan li erdê nehêlin. Ji ber me pêlîstokên Tirkiyeyê aşkere kir û xera kir em hatin girtin, binçavkirin. Hevalên me Nazim û Cîhan xwestin li pişt sînoran vê heqîqeta li Rojava bigînin cîhanê, dengê Rojava bigêjin cîhanê hatin hedefgirtin. Xwestin dengê gelê kurd bigînin cîhanê. Ji ber vê yekê hatin qetilkirin. Îro em bi saya wan em hilmê digirin. Em careke din soz didin, di şexsê Cîhan û Nazim de em ê lîstikên Tirkiyeyê vala derxin. Em ê bibin dengê Kobanê, Em ê bibin dengê Rojava. Em ê bibin dengê gelê Kurd. Ji bo ku xwîn êdê neyê rijandin û em ê destûr nedin ku li ser gelê Kurd û Rojava van lîstokan bidomînin. Dê nikaribin dengê çapemeniya azad û Kurd qut bikin.”
