Xizmên windayan û rêveberên Şaxa ÎHDa Amedê di hefteya 861emîn de li aqûbeta Îbrahîm Kartay yê ku dibin çavan de hatibû windakirin pirsin û gotin: “Hemû îtîraz bê encam man.”
Xizmên windayan û rêveberên Şaxa Komeleya Mafên Mirovan (ÎHD) ya Amedê di hefteya 861emîn de çalakiya ‘Bila winda bên dîtin û kujerên wan bên darizandin’ li ber Bîrdariya Jiyanê ya li Parka Koşûyolê ya Amedê li aqûbeta Îbrahîm Kartay ê ku di bin çavan de hatibû windakirin pirsîn. Di çalakiyê de xizmên windayan rêveberên ÎHDê nûnerên rêxisinên sivîl beşdarî çalakiyê bûn. Xizmên windayan vê hefteyê jî aqûbeta Îbrahîm Kartay ê ku di sala 1965an de li navçeya Hênê ya Amedê ji aliyê kesên sivîl ve hatibû windakirin. Endama Komîsyona Windayan Parêzer Berfîn Elçî daxuyanî xwend.
Serokê Şaxa ÎHDê ya Amedê Ercan Yilmaz anî ziman k udi salên 1990î de ji aliyê dewletê ve gelek kes hatin windakirin û divê dewlet hesabê vê yekê bide û got: “Di meclîsê de jî komîsyona ku hatiye destpêkirin 12 xal hene. Di nava wan xalan de divê ev çalakiyên ku 30 sal in ku li van qadan têne meşandin hesab bê dayîn.”
Salime Çakir jî qala bûyera ku hatiye serê hevjînê xwe kir û got: “Di 1994an de hevalê min ji gund birin. Ji wê demê heta niha me tu agahî jê ne girtiye. Dema ku ew birin ez ducanî bûm. Piştre jî xezûrê min bi şopa wî ket. Lê rayedaran ew jî bi kuştinê tehdît kirin. Heta ku em sax bin em ê li pey şopa wan bin û li hestiyên windayên xwe bigerin.”
‘Îtîraz bê encam man’
Parêzer Berfîn Elçî anî ziman ku li gorî hemû hewldanên malbatê jî dîsa îtîzên wan bê encam man e û wiha axivî: “Di 15ê Tebaxa 1994an de leşkeran êrişî gundê navçeya Hênê ya Amedê ku şêniyê gund Îbrahîm Kartay lê dijiya kirin. Gundî li qada gund kom bûn û fermana valakirinê hat dayîn. Beriya ku gundî bikaribin eşyayên xwe bistînin xaniyên wan hatin şewitandin. Gundiyên ku debara xwe bi xwe pez dikirin ew pezên wan jî hemû hatin gulebarankirin. Salime Çakir li ber deriyê malê li benda hevjînê xwe bû. Gundiyan ji wan re gotibûn, ew hatiye desteserkirin. Piştî hemû îtîrazên malbatê dîsa jî îtîrazên wan bê encam man.”
Piştî daxuyaniyê çalakî bi deqeyek rûniştina pêk hat û daxuyanî bi dawî bû.
