Li gorî çeteleya JinNewsê ya Tîrmehê, li Tirkiyeyê 28 jin û 3 zarok hatine kuştin. 25 jin jî bi rengekî bi guman jiyana xwe ji dest dane.
Li gorî daneyên ku ji çapemeniyê hatine berhevkirin, 8 jin ji aliyê hevjîn, yek ji aliyê xezur, yek ji aliyê bira, 6 heb ji aliyê kesên bi wan re hatine zewicandin an bi wan re dijîn, jinek ji aliyê kurê xwe, du jin ji aliyê nasên xwe ve, sê jin ji aliyê xizmên xwe ve, sê jin ji aliyê mêrên dest jê berdane, jinek ji aliyê mêrê ku jê veqetiyaye, jinek ji aliyê mêrê ku pê re di asta jihevberdanê de bû ve hat kuştin.
Li Stenbolê 5, li Amedê 3, li Amasyayê 1, li Antalyayê 1, li Zonguldakê 1, li Samsunê 1, li Erdexanê 1, Enqereyê 1, Meletiyê 2, li Bartinê 1, li Eskîşehîrê 1,li Muglayê 1, li Îzmîrê 1, li Mereşê 1, li Mersînê 3, li Denizliyê 1, li Edirneyê 1, li Edeneyê 1 û Hatayê jî jinek hatine kuştin.
Di raporê de hate destnîşankirin ku li bajarên mîna Stenbol, Amed û Mêrsînê êriş zêde bûne, tundiya li dijî jinan bi rengekî rêxistinkirî û sîstematîk didome.
