Hunermend Diyala Sulhî El Wadî li mala xwe ya li Şamê û rojnamevan Kindî El Edayî jî li Dêrazorê kuştî hatin dîtin.
Şevê din hunermenda Sûriyeyî Diyala Sulihî El Wadî di mala xwe ya li taxa Malikî ya Şamê de kuştî hate dîtin.
Li gorî çavkaniyên xwecihî, sûcdaran heta devê deriyê malê dan dû Diyala, piştre bi ser malê de girtine û ew kuştin.
Desthilatên hikumeta demkî heta niha der barê bûyerê de tu daxuyanî nedane.
Diyala El Wadî keça mûzîkjenê Sûriyeyî Sulhî El Wadî ye ku damezrînerê Peymangeha Bilind a Mûzîkê li Şamê ye. Tevî nasnameya Sûriyeyî, nasnameya Iraqî û brîtanî jî bi Diyala re hene. Diyala di 1986an de ji Peymangeha Bilind a Hûnerên Şanoyê der çûye. Di wê salê de gelek hunermend weke Hatim Elî û Xesan Masûd ji wê peymangehê der çûne.
Rojnamevan Kindî El Edayê ku nêzî du meh li Elmanyayê vegeriya bajarê xwe, duh li mala xwe ya li taxa Cora ya li bajarê Dêrazorê darvekirî hat dîtin. Der barê mijarê de agahiyên zêde nehatin bidestxistin.
