Navenda Ragihandinê ya HSDê diyar kir ku berbanga îro komên girêdayî hêzên Hikumeta Demkî a Sûriyeyê, li gundê Îmam ê Dêr Hafirê êrişî 4 nuqteyên HSDê kir.
Navenda Ragihandinê ya Hêzên Sûriya Demokratîk (HSD) bi daxuyaniyekê ragihand ku berbanga îro komên girêdayî hikûmeta demkî, êrişî noxteyên wan kir û da zanîn ku wan jî bersiva êrişan daye.
Navendê di daxuyaniya xwe de ev agahî parve kirin:
“Saet di 03:00yê berbanga îro (duşem) de komên girêdayî hêzên Hikumeta Demkî a Sûriyeyê li dijî 4 nuqteyên hêzên me li gundê Îmam ê girêdayî herêma Dêr Hafirê êriş pêk anîn. Hêzên me di çarçoveya parastina noxte û şervanên xwe de bersiv da êrişan. Di encamê de pevçûneke ku 20 deqeyan dewamkir rû da.
Em diyar dikin ku ev êrişên wiha dubareya rageşiyeke plankirî ne û gefan li îstîqrara herêmê dixwin. Hikumeta Şamê berpirsyara vê reftarê ye. Em careke din diyar dikin ku hêzên me ji her demê zêdetir amade ne bi hemû hêza xwe mafê xwe yê bersivdana rewa dê bi kar bînin.”
