* Parlamenterê DEM Partiyê yê Şirnexê Mehmet Zekî Îrmez anî ziman ku Walitiya Şirnexê ji bo talana xwezayê veşêre, qedexeyeke domdirêj ragihandiye û wiha got: “Daristanên hatine qedexekirin ji cerdevanên daran dibirin re serbest e. Gelê Botanê vê dibêje; Aştî û talana xwezayê bi hev re nabe.”
* Endama MYKê ya DBPê Elîf Tîrenç Îpek anî ziman ku tevlêbûna gel a civînan pir germ e û gel bi Rêberê Gelê Kurd Abdullah Ocalan bawer e.
*Li gorî raporan di 2024an de li tevahiya cîhanê ji bo şer 2,7 trilyon dolar û ji bo tenduristiyê jî 627 milyon euro pere hatin xerç kirin. Ji ber lêçûna şer li tevahiya cîhanê 733 milyon mirov birçî dijîn.
* Yek ji şeniyê gundê Serdeniyê Mehmet Yilmaz diyar kir ku kanên madenê yên Çemê Sarûmê daristan û avên herêmê ziwa kiriye û xwest ku divê her kes bibe dengê wan. Mehmet Yilmaz wiha got: “Bila şîrket û dewlet destê xwe ji axa me vekişînin.”
* Înîsiyatîfa Yekîtiya Demokratîk dê bi dirûşma “Bi Armanca Yekîtiyê Ber Bi Aştiyê Ve” li navçeya Bazîd a Agiriyê konferansa bi navê “Girîngiya Yekîtiya Kurd” li dar bixe. (10.00)
* Xizmên windakiriyan û ÎHD ji bo winda bên dîtin û kujer bên darizandin dê li Parka Koşuyolû ya Amedê çalakiya xwe berdewam bikin û di hefteya 859emîn de aqûbeta Mehmet Yildiz bipirsin. (12.00)
* Dayikên Şemiyê wê li Qada Galatasarayê çalakiya 1061’emîn li dar bixin û aqûbeta xizmên xwe yên di binçavan de hatin windakirin bipirsin û daxwaza darizandina kiryaran bikin. (12:00)
