Serokê rûhanî yê civaka Durzî Şêx Hikmet el-Hicri, bal kişand ser êrişên dawî yên li dijî Siwêydayê û got: “Em êrişên dezenformasyonê yên li dijî civaka Durzî şermezar dikin. Divê bi lez ev êriş bên rawestandin.”
Di şerê dijwar ê 7 rojan de li Siwêdayê 194 kes hatin darvekirin û tevî sivîlan bi giştî zêdeyî hezar kesî hat kuştin.
Li gel agirbestê jî êrişên li ser gelê Durzî yên li bajarê Siwêdyayê didomin. Endamên HTŞê di êrişan de li kolan, tax û malan mirovan dikujin û malên welatiyan talan dikin. Serokê ruhanî yê civaka Durziyan Şex Hikmet el-Hicrî têkildarî êrişên dawî daxuyaniyek parve kir. Şêx Hikmet el-Hicrî anî ziman ku êrişên li dijî bajarê Siwêdyayê didomin û got: “Divê ev êriş bi lez bi dawî bibin. Di vê rewşa rageşiyê de divê li dijî şerê navbera mezbehan em yekîtî û tevkariyê xurt bikin. Divê em sekneke hevpar nîşan bidin. Êrişên li dijî Siwêdyayê êrişên hovene ne. Bi van êrişan armanc dikin ku tundiyê zêde bikin. Divê em van êrişan red bikin û em aştiyê pêş bixin û rageşiyê kêm bikin. Em ji ber alîkariya mirovahiyê ya saziyên navneteweyî ku gihandin Siwêdiyayê kêfxweş in. Ev hewldana wan a ku dixwazin êşên mirovan kêm bikin, hêjayî pîrozkirinê ye.”
Li aliyê din Wezareta Karên Hundir a demkî daxuyanî da û diyar kir ku wan komên Bedevî ji Siwêdyayê derxistine. Mala Çavdêriyê ya Mafên Mirovan (SOHR) jî anî ziman ku yekîneyên girêdayî Şamê ji bo rê li pêşiya ketina Bedeviyan bigirin, li ser rêya barîkat danîne.
Nûçegîhanê AFPê yê herêmê jî diyar kir ku şer rawestiyaye û maşîneyên alîkariya mirovahiyê xwe gîhandine bajêr. Heyva Sor a Sûriyeyê jî ani ziman ku 32 kamyon alîkariya îlac, zexîre, av û sotemeniyê şandine bajêr.
Nûnerê Taybet ê Amarîkayê yê li Sûriyê Tom Barrack jî anî ziman ku Tirkiye, Urdun û welatên cîran piştgiriyê didin agirbestê. Tom Barrack da zanîn ku ji bo şerê di navbera Durzî û Bedewiyan ê li Siwêdyayê raweste, di navbera Îsraîl û Hikûmeta Demkî ya Sûriyeyê de peyman hatiye îmzekirin û piştî vê peymanê şer kêm bûye.
