Girtî Siddik Guler ê 85 salî ku li Girtîgeha Tîpa T a Îskenderûnê girtîbu, piştî 31 salan girtî ma, serbest hat berdan.
Siddik Guler di sala 1994an de hat girtin û cezayê muebetê lê hat birîn. Piştî biryara berdanê ya der barê girtiyê nexweş Siddik Guler ê 85 salî yê li Girtîgeha Tîpa T a Îskenderûnê de, ji girtîgehê derket. Rêveberên bajêr û navçeyê yên DEM Partiyê, endamên ÎHDê û parêzera wî Mehtap Sertê, ew li pêş girtîgehê pêşwazî kir. Siddik Guler, paşê derbasî Şaxa ÎHDê ya Îskenderûnê bû. Siddik Guler, dê tevî malbata xwe ji vir ber bi Amedê ve bi rê bikeve.
Çi bûbû?
Parêzerên Guler, ji bo muwekîlê wan sewqî ATKê bê kirin, serî li Serdozgeriya Komarê ya Îskenderûnê dabûn. Guler, di 20’ê Hezîranê de sewqî ATKê hatibû kirin. Lijneya Îhtisasê ya 11emîn a ATKê, rapora xwe ya têkildarî muayeneyê di 27ê Hezîranê de amade kiribû. Lijneyê di biryara xwe de, îşaret bi temenê Guler, tenduristiya wî, dermanên bi kar tîne û raporên nexweşxaneyan kir û rapora “nikare bi tena serê xwe jiyana xwe bidomîne” amade kiribû. Serdozgeriya Komarê ya Îskenderûnê, nivîs ji midûriyeta polîsan a Peyas a Amedê re nivîsandibû û pirsî bû ku Siddik Guler “ji bo civakê talûke ye yan na?”
Piştî biryara midûriyeta polîsan ku vê sibehê dabû, der barê Siddik Guler de biryara berdanê hatibû dayîn.
Siddik Guler di lîsteya girtiyên nexweş a ÎHDê de cih digirt. Di sala 1994an de hatibû girtin û cezayê muebeta giran lê hatibû birîn. Bi nexweşiya dil, movik, romatizma û gelek nexweşiyên din ketibû. Di 29ê Çileya 2021’an de sewqî Nexweşxaneya Dewletê ya Îskenderunê kiribû. Di 29ê Adara 2022an de li dijî daxwaza wî ew sewqî Girtîgeha Tîpa R a Menemenê hatibû kirin.
