Platforma Saziyên Demokratîk a Amedê têkildarî êrîşa li ser malbatekî Kurd daxuyanî da û diyar kir ku zimanê Kurdî nasnameya Kurdan e.
Malbata Kaya di 13ê tîrmehê de li navçeya Bayrampasaya Stenbolê ji ber ku staranên Kurdî guhdarî dikin rastî tundiya polîsan hatin. Di encama tundiyê de polîsan bi îşkenceyê 10 ferdên malbatê binçavkirin. Di nava malbatê de jineke ducanî jî hebû û polîsan pênek li zikê jinê da û zarok niha li rewşa awartê tê tedawîkirin.
Platforma Saziyên Demokratîk a Amedê li dijî tundiya polîsan a li ser zimanê Kurdî peşiya Plazeya AZC ya semta Ofîsa Yenîşehîrê ya Amedê daxuyanî da. Hevserokên DEM Partî û DBPê ya Amedê, endam û rêveberên sazî û rêxistinên civakî û gelek kes tev li bûn. Di daxuyaniyê de pankartê “Zimanê me stranên me govenda me hebûna me ye, destên xwe jê vekişînin” vekirin û dirûşmeyên “Bê ziman jiyan nabe”, “Zimanê me rûmeta me ye” û “Bijî Serok Apo” hatin berzkirin.
‘Em ê aştiyê bi hev re bînin’
Li vir ewilî Hevseroka DEM Partiyê Gulşen Ozer axivî û diyar kir ku “Malbatekî ji ber ku stranê Kurdî vekirîbû rastî êrişa polisan hat û ev tişt anî ziman: “Em behsa aştiye dikin lê zimanê Kurdî rastî êrîşê tê. Em ve qebûl nakin em ê aştiye bi hev re bînin.”
Paşê daxuyanî hat xwendin. Daxuyanî Kirmanckî û Kurmancî hat xwendin. Kirmanckî bi aliyê Hevseroka MED-DERê Şukran Yakut bi Kirmancî û Rêveberê DBPê yê Amedê Mehmet Asana ve hat xwendin.
‘Zimanê Kurdî nasmeya me ye’
Mehmet Asana diyar kir ku ev êrîş êrîşeke bi hişmendiya mêran pêk hatiye û wiha axivî: “Ew êrîş hişmendiya mêrperst ve girêdayiye. Ziman û çanda Kurdî nasname ya Kurdan e. Em vê hişmendiyê û êrîşê şermezar dikin. Û dibêjin divê kiryar bên darizandin.”
‘Divê mafê Kurdan bê naskirin’
Mehmet Asana destnîşan kir ku ew careke din diyar dikin ku zimanê Kurdî xeta wan a sor e û wiha bi lev kir: “Ji bo aştiyeke mayînde, di vê pêvajoyê de ku divê reform û guhertin bên kirin, li ser çand û zimanê Kurdî gavên erênî bên avêtin, statuya Kurdan û perwerdeya bi Kurdî bê naskirin.”
Girse piştî daxuyaniyê heta Parqa Koşuyoluyê meşiya û dawî li çalakiya xwe anîn.
