Di pêşengiya TJA, DBP û DEM Partiyê de li Gundê Downê yê Pîranê û Gundê Cimikan ê Yenîşehîrê civînên gel hatin lidarxistin. Di civîna Downê ya Pîranê de gel pirsa “Gelo dê rewşa girtîgehan çibe. Dê girtiyên siyasî bên berdan an na? Dê Rêber Apo bê berdan an na?” pirsîn.
Civînên gel li gund, navçe û taxên bajaran bi girseyî berdewam dikin. Di civînan de pêvajo tê ragihandin û gel jî der barê pêvajoyê û siberoja Kurdan de fikarên xwe û rexneyên xwe yên li dijî dewletê tînin ziman. Her çend rexneyên gel li dijî rêveberiyên herêmî hebin jî di van civînên gel en têkildarî pêvajoyê de zêde parve nakin.
Li Navçeya Pîranê û Yenîşehîre yên Amedê civînên gel berdewam kir. Li Gundê Downê yê navçeya Pîranê bi tevlêbûna zêdetirî 100 kesan civîna bi sernavê “Perspektifa Aştî û Civaka Demokratîk dê gel bi ser bixe” pêk hat. Di civînê de gelek dayik, ciwan û welatî amade bûn. Civinê bi rêzgirtinê û nirxandina pêvajoyê dest pê kir. Di civînê de beşdaran bi taybetî daxwazên xwe yên aştî û çareseriyê anîn ziman. Piştgiriya xwe ya pêvajoyê anîn ziman. Her wiha hin kesan jî fikarên xwe yên li dijî dewletê û gefên li ser Bakur û Rojhilatê Sûrîyê anîn ziman. Hin kesan pirsên wekî “Gelo dê rewşa girtiyên siyasî çawa be. Dê girtî bêne berdan an na? Gelo dê dewlet çiqas gavan bavêje. Em çiqas dikarin baweriya xwe bi dewletê bînin? Dibe ku dîsa dewlet wekî salên berê me bixapîne ya na? pirsîn. Civîn bi pirs û bersîvan bi dawî bû.
Li gundê cimikan yê Yenîşehira Amedê jî civîn bi tevlêbûna nêzî 100 kesan pêk hat. Balkêş e tenê mêr tev li civînê bûn. Li vir jî pêvajo hat nirxandin. Beşdarên civînê piştgiriya xwe ya ji bo pêvajoyê anîn ziman. Welatiyan pirsên di navbera dewletê û PKKê de hevdîtinên çawa hene? Dê Rêber Apo bê berdan an na? Dê girtiyên siyasî û girtiyên nexweş bêne berdan an na? pirsîn.
