Şaxa MEBYA-DERê ya Şirnexê 3emîn kongreya xwe ya asayî pêk anî. Komeleyê di kongreyê de rêveberiya nû hilbijart.
Komeleya MEBYA-DERê ya Şirnexê li Eywana Odeya Pîşezasî û Bazirganiyê ya Şirnex bi tevilbûna endam û rêveberen DEM û DBPê yên navendî û Şirnexê, parlementerên DEM Partiyê yên Şirnex Newroz Ûysal Aslan û Zekî Îrmez, saziyên sivîl ên Botanê û sedan welatiyan kongreya xwe pêk anî. Kongreyê piştî hilbijartina dîwanê ji bo cangoriyên azadiyê deqeyek rêz girtin. Aktîvîsta TJAyê û Berdevka DBPê ya Jinê Berîvan Bahçecî di dîwanê de axafî û got: “Em vê kongreyê pêşkêşî cangoriyên 14ê Tîrmehê dikin. Em di kesayeta wan de hemû cangoriyên azadiyê bi bîr tînin. Piştî axaftina Berîvan Bahçecî raporên xebat û aboriyê hatin xwendin û rêveberiya nû hate hilbijartin. Rêveberiya Komeleyê dê piştî civinê Hevserokên xwe hilbijêrin.
