Reşat Ozdîl ê ku 31 salan di girtîgehê de hate girtin û girtiyê bi navê Sedat Alçîçek hatin berdan. Ozdîl li ber girtîgehê ev tişt anî ziman: “Kêfxweşiya me, piştî Rêber Apo bigihê azadiya xwe ya fizîkî wê çêbibe.”
Reşat Ozdîl ê ku di sala 1994an de li Amedê hat binçavkirin û paşê hat girtin û Dadgeha Ewlehiyê ya Dewletê (DGM) cezayê muebedê lê birî, piştî 31 salan ji Girtîgeha Hejmara 1 a Tekirdagê derket. Ozdîl, ji aliyê MA-TÛHAYDERê û xizmên xwe ve hat pêşwazîkirin.
Sedat Alçîçek ê ku di sala 2009an de li navçeya Berwarî ya Sêrtê hat binçavkirin û paşê hat girtin, piştî Ozdîl bi çend saetan ji heman girtîgehê derket.
Ozdîl li ber girtîgehê axivî, got: “Em kêfxweş in ji ber ku derketine. Lê hişê me, ruhê me û dilê me li hundir e. Kêfxweşiya me, piştî Rêber Apo bigihê azadiya xwe ya fizîkî wê çêbibe. Îro ro têkoşîn ber bi asteke din ve çûye.”
Lijneya Îdare û Çavdêriyê, berdana Ozdîl ê ku diviyabû di 12ê Tîrmeha 2024an de bihata berdan, taloq kiribû.
