Şirnex – Heyeta ku ji bomerasima daxuyaniya komek gerîla biçe Silêmaniyê derbasî başûrê Kurdistanê bû. Bayirdir ku di heyetê de ye got piştî merasîma sibe şûnde bar dikeve ser milê desthilatdariya AKPê û dewleta Tirkiyeyê.
Heyeta ku ji Hevserokên Giştî yên DEM Partiyê Tuncer Bakirhan û Tulay Hatîmogullari, Hevserokên Giştî yên DBPê Çigdem Kiliçgun Ûçar û Keskîn Bayindir, gelek partiyên siyasê yên Tirkiyeyê, endamên Tevgera Jinên Azad (TJA) saziyên civaka sivîl, rewşenbîr, rojnemevan, dayikên aştiyê pêk ji Deriyê Sînor ê Xabûrê ji bo tevilmerasima daxuyaniya komek gerîla ya li Silêmaniyê bibe derbasî başûrê Kurdistanê bû.
‘Serkêşiya pêvajoyê Rêzdar Ocalan dike’
Hevserokê Giştî yê Partiya Herêmên Demokratîk Keskîn Bayirdir ku di nava heyeta biçe bajarê Silêmaniyê yê başûrê Kurdistanê peyama Rêberê Gelê Kurd Abdullah Ocalan ji Ajansa Welat (AW) re nirxand û got; “Bi rastî jî di Kurdistan û dinyayê de gelekî keyxweşî çêbû û em jî him hestiyar bûn him jî kêfxweş bûn. Her kesê di vê bangê de dît ku serkêşiya vê pêvajoyê Rêber Ocalan dike.”
‘Ji sibe pê ve çavê hemû cîhanê dê li Tirkiyeyê be’
Bayindir da zanîn ku sibe dê weke heyet tevlî merasîmek dîrokî bibin û axaftina xwe wiha bi dawî kir; “Em niha li Silopya ne û diçin başûrê Kurdistanê. Sibe weke heyet emê tevlî merasîma çek danînê ya PKKê bibin ku ev çek danîn bersivdayîna bangewaziya Rêzdar Ocalan e. Rêzdar Ocalan û hemû pêkhateyên kurdan heya îro ji bo ku pêvajoya aştiyê bi pêş bikeve yek alî be jî gavên girîng avêtin û ji sibe şûnde bar ango gav avêtin dikeve ser milê desthilatdariya AKPê û dewleta Tirkiyeyê. Ji sibe pêde hemû cîhan ê bere xwe bidin dewleta Tirkiye ka dê çi gavan biavêje.”
