Rêxistina DEM Partiyê ya Silopiyayê ji bo Jiyan Ormanli ya ku ji bo îxrackirinê şandine dîsîplînê ji hevşeredariyê îstîfa bike bi gel re meşeke girseyî li dar xist.
Partiya Wekhevî û Demokrasiyê ya Gelan (DEM Partî), tekildari hevşeraredara Silpoliyayê Jiyan Ormanli ya ku ji bo îxrackirinê şandin lijneya dîsîplînê, ji bo ji hevşeredariyê îstîfa bike çalakî li dar xist. Rêxistinên DBPê û DEM Partiyê yên Şirnex û navçeyên wê, parlamenterê DEM Partiyê yê Şirnexê Mehmet Zekî Îrmez û gelek kes tevlî daxuyaniyê bûn. Girse ji ber deriyê avahiya DEM Partiyê ya Silopiyayê heta ber şeredariyê meşiyan. Di meşê de pankarta, “Jiyan Ormanli îstîfa” dinivisî hilgirtin û bênavber dirûşmeyên, “Jiyan îstîfa”,”Bimrê xiyanet” û “Şeredara” diz naxwazin” berz kirin.
Li ber deriyê şeredariyê daxuyanî hat dayin. Metna daxuyaniyê ji aliyê Eedama meclisa şeredariyê Amine Yîgît ve hat xwendin. Amîne anî ziman ku gel deng nedaye şexsê te daye partiya xwe û wiha got: “Şeredariya Silopiyayê jî yek jî şeredariyên bi dengê gelê me bi destxistibû bû. Weke hemû şeredariyên di destê me de li wir jî me rêveberiyeke kolektîf û hevserokatî esas girt. Em li vir ji kesên destkêftiyên gel weke destkeftiyên xwe dibînin re bi bîr dixin ku li dijî vê yekê gelê Silopiyayê li vir e. Gelê Silopiyayê şeredarî nedaye kesekê. Gelê Silopiyayê ji bo bi xwe rêveberina bajarê xwe bibiryar e. Ji ber wê jî ya ku nekariye pirsgirêkên gel re bibe bersiv, li rex gelê xwe nesekine û bikeve bandora derdorên cûda nikare şeredariya Silopiyayê bi rê ve bibe. Em dev jî deskeêftiyên jinan û hemû destkeftiyên gelê xwe bernadin û her şert û mercî da biparêzin. Şeredariya Silopiyayê ya jinan e, ya gel e. Heta dîsa bikeve destê gel em ê li dijî wê şexsê bisekinin. Em ê her derê li dijî diziya vê şexsê bi rêxistin bikin. Em li vir careke din bang li wê şexsê dikin; tu nikare vîna vî gelî temsil bike. Ji ber vê kemasiya xwe ya li dijî gel û partiya me divê tu îstîfa bike. Şeredariya Silopiyayê ya gel e. Wê hertim a gel be.”
Em ê bi gelê xwe re bin
Hevşeredarê Silopiyayê Rênas Onûk derbasî şeredariyê bû û ji cîgiriya hevşeredariyê îstîfa kir. Li ber şeredariyê Rênas Onûk daxuyaniyeke kurt da û bi lêv kir ku Jiyan Ormanli ji ber ku li gor pîvanên partiyê tevnegeriyaye îstîfa kiriye û wiha got: “Gelê me ew peywir da me. Heta dawiyê em ê bi gelê xwe re bin û peywira xwe bi cih bînin.”
Piştî daxuyaniyê girseyê li ber deriyê şeredariyê çalakiya rûniştinê da destpêkirin û dirûşm berzkirin. Girse bi berzkirina dirûşmeyan dawî li çalakiya xwe anîn.
